كفا ياهاجس(ن) من كثر لوعاته معذبني=كفايه من عذابك فيه غيرك من يعنيني
الاياقلبي اللي كل مااباانسى يعاتبني=يذكرني حبيبي قلت له مافي يكفيني
ليا فكرت فى النسيان اخاف الله يحاسبني=اعود واذكره واصخي له العبرات من عيني
احاول واتندم فى الهوى والحب غاصبني=وانا وشلون اباانسى دام خلي كامل الزيني
لغيره مااذكر ان الشوق ولأحساس يجذبني=يراودني خياله لويطول افراقه اسنيني
ليا منه طرالي فى المنام النوم حاربني=اله ذكرى تضحكني واله ذكرى تبكيني
يضحكني زمان(ن)فيه نادبته ونادبني=ويبكيني زمان(ن)به هله راحوا مقفيني
الا ياطول صبري دام خلي مايجاوبني=ليا ناديت بالأصوات وين صويحبي ويني
خياله في ضميري واسمعه كنه يخاطبني=يقول اني معك قلبي لكن الوقت حاديني
يقول ادعي من الله مثل ماابعدني يقربني=واجاوب كل مايخطر على بالك تناديني
وقلت ان الوفا طبعك وهذا فيك يعجبني=يصبرني وفاك الين ساعة ماترديني
وهذي قصتي واللي مجرب مايكذبني=انا ماني بالأول فى الهوى قبلي ملاييني
ثلاث(ن) فى الوجود جدارهن وسط الحشا مبني=حبيبي والقلم والبوك هذا اللي مسليني