الله على الهاف من صنع اليهوديه
 

القلب مفتر من عرشه وكرسيه "="يفر من طيف غرو(ن) مر في بالي


يابو محمد بعدها الدار مجفيه "="لو آ كل الزاد فيها ما هنا حالي


من عقب ما دورهم بالقاع مبنيه "=" اللي بقا دورهم وابعدهم المالي


الله على الهاف من صنع اليهوديه "="يقطع بعيد المسافه حزم وارمالي


يعد طبلونه التسعين مع ميه "="في حكم سواقه اللي شاف الاهوالي


نفسه مع طرقته ما عدها حيه "="تقول فوقه طفح ربان وخيالي


حالي كما شنة(ن) بالقيض مطويه "="والحزن جاله على المكنون مدخالي


يطيح من لامني من راس مهويه "="من نايف الرجم ميقاعه ورا الجالي


تكسر عليه الطيور براس عليه "="تشالعنه وفارق مرقد الغالي


وجدي عليها وجود(ن) حط ماريه "="وباقصى الحشا يدرج همي وغربالي


وجد المهرب ضرب خط الحراميه "="وصكت عليه الجموس وضيع المالي


عليه حمل خبيث وناقلن سيه "="وصكوا على موتره ذربين الافعالي


واليا بغا موتره يعطي مع انحيه "="حازوا عليه العيال ودير بحبالي


مالي جدا غير اصفق بس بيديه "="وادله النفس في تطويح الامثالي

|4| |4| |4|

ونعم صح السانك يا عريب الساس
جميلة هذي الابايت يعطيك الف عافية

أخي عريب الساس ... مشاركه جميله ... وكانت ستزداد جمالا ... لو ذكرت اسم كاتب الابيات
تحياتي

شكرا اخوي سحيم على ذوقك العالي:p




صاحب القصيده ابوعرب كما وجدتها|2||4|

عشت اخوي على القصيده .. وبيض الله وجهك

وموضعك تم نقله لقسم الشعر المعاصر

تحياتي
ابو وعيل الرويس

صح لسانك ولسان القايل
عشت والله وسلمت

الى ابن العم ........... عريب الساس
 

لاهنت ياولد العم على هالقصيده الرااااااااائعه

مع تحيات :- مطلق الشيباني