ادعج غنج رمشه يهيبل الرضيعي
 

الله يديمـك يالجمـال الطبيعـي
اللي تجمع فـي وليفـي مزايـاه

انشهد انه فـي وليفـي يضيعـي
وصف الجمال اللي تنوع حلايـاه

ادعج غنج رمشه يهيبل الرضيعي
لو شافه اللي يرضع الديد خـاواه

وش عاد انا بالحب قلبي وضيعي
قلبي وضيع عند مثلـه وشـرواه

قربه دواء جرحي وشوفه ربيعي
انشهد انه غايـة القلـب ومنـاه

خصره كما خاتم وبطنه مجيعـي
مستبرم ردفـه علـى دق مثنـاه

في لبته كـن الكواكـب تشيعـي
استغفـر الله كنهـا فـي محيـاه

والعنق وافي والشعـر يستثيعـي
وان هب نسناس الهوى قام يثعـاه

وشفايفٍ فيهـا عـلاج الوجيعـي
فيها علاج اهل القلـوب المعنـاه

اللي من الفرقـى تلاعـا تليعـي
مثل السباع اللي تلاعـا تلاعـاه

قلته وانا قلبـي لحبـه مطيعـي
خلوه يامرني على كيـف مشهـاه

يتلنـي بالحـب تـل القطيـعـي
تل القطيع اللي على الطرش تشعاه

قلبي وليـع لـه وقلبـه وليعـي
واخس مايجري علي يوم فرقـاه

يوم الوداع اللي فراقـه شنيعـي
لاعاده الله يـوم ملعـن سوايـاه

كم دمعةٍ تقـرع بعينـه قريعـي
سالت على خده وعينـي تحـلاه

قلت الوداع وقـال مانستطيعـي
مثلـك يكدرنـا وداعـه وفرقـاه



بطي الاكلبي

اختيار موفق

لاهنت يالغالي


تحيااااااااااااااااااتي

ادعج غنج رمشه يهيبل الرضيعي
لو شافه اللي يرضع الديد خـاواه

صح السانك والسان الشاعر

بارك الله فيك ياغالي

مشاركه
 

مشكوور مرزوق على مرورك العذب الذي لايشبه إلا عذوبة ماء النهر


تحياتي لك

مشاركه
 

تسلم الدلبحي على مرورك ونورتني بأطلالتك الرائعه لاهنت


تحياتي لك

مشاركه
 

مشكور ابن نعيس على مرورك الجميل وحضورك الأجمل لاهنت


احتراااامي

مشاركه
 

فواز أسعدني مرورك العذب لاهنت يالغالي

تحياتي لك