سلام الله سلام(ن)كل من فالمنتدى يوحيه=تحيه عبر اثير النت لعتيبه موديها
تطرف يا الشمالي واحتم الميقاف يا راعيه=ترا مال المواقف يالشمالي غير راعيها

هلا يامرحبا ترحيبة(ن) من شافها ترضيه=نيابه عن عتيبه من عتيبي(ن) يغنيها
انا حاضر ياقاضي والطريق اللي تبا نمشيه=على درب الرجال اللي تنومسنا مماشيها

يدوم الك البقا يالشاعر اللي ماقفك تحميه=تشرف فالحظور ودعوت الداعي تلبيها
لكن المشكله فاللي تسمع في ندا مناديه=وصد وراح يالغربي هذيه وش تسميها

انا رجال لاجا الضيف افك الباب واقهويه=وحنا مثل ماناخذ من الريجيل نعطيها
هذاك انا دخيلك ياوسيع العرف لاترجيه=ماودي نظرتك للي مثل شرواه ترخيها

هذا سلم العرب يا صاحبي والخبل وش يدريه=فشل في مثل هذي يالشمالي ما نجح فيها
تراني كنت عنه اسمع لكن ماكنت الصدق فيه=لكن هالحين اقول النار تحرق رجل واطيها