كان كبتن مناحي يقهر المستحيل = الله انه يعينه جيت ابا العب معه
شاعر (ن) ماتخيّر غير شاعر جزيل = يوم بعض العرب مالي بهم مطمعه

يامنادي علّيه جيت والليل لليل=مابها مستحيل المستحيل أصنعه
فالجبل ذيب.. والوادي معه حس سيل=احذر الذيب.. واخش السيل لا تقطعه

انتبه يامناحي كان منت بدليل = الدروب الخطيره كلها مضيعه
السواري معي والذيب يطرح قتيل = ذبحته من يدي لاجا يصف اربعه

لا توصّي حريص ولا تعلم عميل=جاتك الاوله والثانيه مسرعه
احترص ياعميلن تنقل أم الفتيل=بندقك لو تثور الذيب ماتفجعه