الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصة وقصيدة (http://www.otaibah.net/m/forumdisplay.php?f=6)
-   -   قصة قتل عاضة المقاطي لذيب ابن شالح (http://www.otaibah.net/m/showthread.php?t=17770)

برقاوي2006 28-Nov-2005 09:53 PM
قصة قتل عاضة المقاطي لذيب ابن شالح
 
كان شالح ساهر هو وابنه ذيب فقال قصيده على طريق المزح


ياذيب انا يابـوك حالـي تـردا = وانا عليك من المواجيب ياذيـب
تكسب لي اللي لا قحن عقب عدا = طويله النسنوس حرشا عراقيـب
تجر ذيلن مثـل حبـل المعـدا = وتبرى لحيران صغارن حباحيب
واشري لك اللي ركضها ما تقدا = ماحدن لقى فيها عيوب وعذاريب
قبا على خيـل المعـادي تحـدا = مثل الفهد توثب عليهم تواثيـب
انا اشهد انـك باللـوازم تسـدا = وعز الله انك خيره الربع بالطيب
ياللي على ذيب السرايـا تعـدا = لو حال من دونه عيال معاطيب
ليثن على درب المراجـل مقـدا = ما فيك يا ذيب السبايا عذاريـب

بعد ان سمع ذيب بن شالح القصيده اسرها في نفسه قال لابد ان اكسب هذه
الناقه فسرا خفيةً عن ابوه فكانو ركب ابل فقط ليس معهم خيل ويتراوح
عددهم حوالي العشرين رجل ثم اتجهو لديار عتيبه فكان جيشهم مضمــي
فاتجهو الى بئر مليه غرب عروى 60كيلو فكان على البئر عرب يسقون
طرشهم وهم من المقطه ومعهم امراءه شافت القوم ناكسين مع الوادي
يعني راجعين وكانت قاهرها غنمها عن الماء فاطلقتها فقالو لها اللي على
الماء اقهري غنمك فقالت جاكم قوم مع الوادي وعندما شافوكم رجعوا فلحقو
بهم وحصل بينهم تبادل اطلاق النار فكان في اخر جيش القحاطين رجل ينزل
ويرمي ويركب ذلوله يثني خلاف اخوياه فرماه عاضه بن بقيشان المقــــاطي
فارداه قتيلاً وخلوه اخوياه وعندما جوه المقطه تبين لهم انه عقيدهم بسبب
ملابسه وبقشته التي فيها الهيل والقهوه فقالو من يكون هذا فجاءتهم امراه
فقالت هذا ذيب ابن شالح والدليل على ذلك كوية في ظهرة
فرفعوا عن ملابسة فوجدو الكوية
وعندما علم شالح بن هدلان ماحصل رثاء ولده بهذه القصيده :



ياربعنا ياللي على الفطـر الشيـب = عز الله انه ضـاع منكـم وداعـه
رحتوا على الطاعات مثل العياسيب = جيتـوا وخليتـوا لقلبـي بضاعـه
خليتـوا النـادر بـدار الاجانيـب = وضاقت بي الافاق عقـب اتساعـه
يكدرن لـي صافيـات المشاريـب = وبالعون شفت الذل عقب الشجاعـه
ياذيب أنا بوصيك لاتاكـل الذيـب = كم ليلة عشـاك عقـب المجاعـه
كم ليلة عشـاك حـرش العراقيـب = كم شيخ قوم كزتـه لـك ذراعـه
كفه بعدوانـه شنيـع المضاريـب = ويسقي عدوه بالوغى سـم ساعـه
ويضحك ليا صكت عليه المغاليـب = ويلكد على جمع العـدو باندفاعـه
وبيته لجيرانه يشيد علـى الطيـب = وللضيف يبني في طويل الرفاعـه
جرحي عطيب ولا بقى لي مقاضيب = وافخت حبل الوصل عقب انقطاعه
كني بعد فقـده بحامـي اللواهيـب = وكني غريب الدار مالـي جماعـه
من عقب ذيب الخيل عرج مهاليب = ياهل الرمك ماعاد فيهـن طماعـه
قالوا تطيب وقلت وشلون ابا طيـب = وطلبت من عند الكريـم الشفاعـه


هذا والله اعلم

منصور بن فهيد 28-Nov-2005 11:25 PM
اخوي : عتيبي2006

يعطيك الف عافيه على ادراج هذه القصه والقصيده ونحن بأمس الحاجه لها

واسمحلي على التنسيق

ولا هنت

تحياتي

علي الثبيتي 29-Nov-2005 11:10 AM
اخوي العتيبي بيض الله وجهك ولكن عندي مداخله بسيطه حول كيف تعرفت البنت على الفارس ذيب وسمعتها من شايب كبير في السن يقول ان ابوا البنت كان قطير مع الشيخ شالح وكان الشيخ شالح وابنه ذيب فيهم كرم واذاء جاهم ضيف اول مايبدون جارهم وكذلك من لحم الصيد والحليب وكان الفارس ذيب هومن يقوم بهذا العمل في خدمة ابيه وخدمة جاره وكان شهم وعفيف اذاء اراد توصيل الطعام او الحليب يزهم ويمد يده من سد الرواق حتي لايراء من في داخل البيت وكانت البنت هي التي تاخذ الطعام وكان الفارس ذيب في يده خاتم وعند ماوجدوه مقتول
تعرفت البنت عليه عن طريق الخاتم هذا والله وعلم

برقاوي2006 01-Dec-2005 02:36 PM
ماقصرت اخوووي النويري على التنسيق وعلى المرور

اخوي النشمي انا على ماسمعت ان الحرمه الي عرفتهم على ذيب كانت جاليه مع اهلها عند القحاطين بسبب دم عليهم فقالت هذا ذيب ابن شالح والدليل على ذلك كوية في ظهرة
والله اعلم

((الدلبحي)) 03-Dec-2005 01:46 AM
يعطيك العافيه

ماقصرت

تحياااااااااااااااااااااااااااااتي

فواز الشيباني 13-Dec-2005 11:53 AM
يعطيك العافيه

ماقصرت

الله لايحرمنا من مواضيعك المميزه

وليد الزراقي 06-Jan-2006 02:07 AM
مشكور اخوي على النقل الطيب
تحياتي


الساعة الآن »11:49 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd