ام المناوي
ياالله ياكاسي البسيطـــــه من الريـــــــف.......تنظـــــر لحالي نظــــرةٍ تعتنيبــــــها‎
‎مــالي‎ ‎ســوا رحـــمتك‎ ‎حـيله‎ ‎وتصريــــف........دعــواي يــارب المـلا تستجيبــــــها
رحـمتك خـفـف عـــني الــذنب تخـفـيــف.......في طــلـبةٍ يــرجي فرجها طليبــــــها
ســوت لــــه الدنيــا دروب ومحــاريــــف.......عن ما أشـتهـت نفسه وهذا نصيـبــها
مع قـــلة الحيـــله وقـــل المصــاريــــــف.......يبيــع بالهقـــوات مــايـشـتريبـــــــها
وبنات فكــره عودن لــه منـــاكــــيـــــــف.......ارسـانـها الحــيره وحـزنه نجيبــــها
واصـبح يعـسف بـنت الافكـــار تعسـيــف........رمعــه تجـنبــها ورمـعـه تصيبــــها
ومـاضي سـنينــه كــلبوهـا عجــاريــــــف........يرجـح رداها عن مــوازين طيبـــها
والـناس كــلن لـه طـمـوح ومشـافيـــــــف........وكـــلن عـشق له عشقـةٍ يلتهيبـــــها
لاشـك انــا حــظي عــــديم التصــانيــــف.......وحـالي على كـل العـدا يندعيبــــــها
وحــالـة عـدوك كـلبوهـــا تحــــاســيـــــف.......كــود الرجـــا متعــلق فــي رقيبــها
الواحــــد الفـرد الــصمـد نـــازل النيــــف.......رافــع سمــاوات العــلا مستويبـــها
يـاحــيف يــامـيل الدهــرمــنك يــاحيـــــف.......وراك تـأخــذ عشــقتي وتغــديبــــها
مــرت ســنيني والشــتا يتبــع الصـــيــــف.......وكــل اللــيالـــي سـود مـاينسريبـها
وتواردنـــي محــــرقـــات الشــراشــيـــف.......بلـــوا سـواتــي بالبشــــر يبتليبـــها
بلــــواً مخــايلـــــها مــــزونٍ مـــراديــــف........تمـطــر على الظامي ولا يرتويبـها
تمـطــر علـى قلبــي هـمـوم وتـخـــاريـــف........اجـمع هواجـيس الـنـدم وكـتويبــها
يــوم انثنــا الحـظ الـــردي للصـــواديــــف........وبأمرٍ من المعبــود صرت بلبيبــها
وأم المـنـــاوي من بنــات التحـــاسيـــــــف........مـــافيـــه منــوة مـمـتنـي يغتنيبــها
لاشــــك انــا شــفــي عــفــيــفٍ ولاعيـــف........يـوم المـنــاوي مـنوتــي بمتنيبـــها
واللـي لــهن عــندي مـعـزه وتشـــريــــــف........خـمسٍ من الحاجـات مانستحيبــها
مـع رفقــة اللـــي يكــسبون المعـــا ريـــف........وأهــل الصـفات الطـيبة نقتديبـــها
جـزلـين فـي كــل المعــــانـــي حـراريـــف........لامـــرت الـذربه حـداهم خطيبــها
ســــواة حـــرٍ مـــعتلــي بــالمصـــاييـــــف........نــــــادر حرارٍ كـل عليـا ربيبـــها
معــروف مــايحـــتاج شـــرحٍ وتعـــريـــف........من رأس قـــومٍ مايــوفق حريبــها
الأولـــــه ودي اذا زارنــــي ضـــيــــــــف........اقـدر على جــزل الذبايح وجيبــها
والثـــانيـــه صــــفر الــــدلال المهــاديــف........علـــى وجـــارٍ جمرته تصطليبــها
والثالثــه عــوج الرقــــاب المـــــواليـــــف........مــاجنبت خـلفاتهـــا عن جنيبــــها
بنــات اخـــوهن فـــارق الوســم ماشيــــف........ولافيـهن اللـي مشترا من جليبــها
شـقح البكــــار الناهيـــات المشــــاعيــــف........يمشــي لهـا بالشـف من يعتزيبــها
ويرعـابـها من حــفة السيـف للســيــــــــف........وليا ارجعت دارٍ رعت من شعيبها
لاجيتهن بالــروض الاخــضر معـــاطيـــف........تقـــول ناثــــر سكــرٍ في حليبـــها
والـرابـــعه ماتنشـــــرى بالســـــواليــــــف........تصعب على اللي مثل حالي يجيبها
والخـامسـة حــرٍ يكـــف التـــواصيـــــــــف........نــــادر حـــرارٍ صيــدته مايهيبــها
اليـــا طلـــع ثـم وهــف الجــــول توهيــــف........بيـــض الدواغــر كلــــها ينثعيبــها
فـــــرخٍ مخـــاليبه ســـوات المخـــاطيــــف........لانـــاش جنحــان الحبارى يعيبـــها
مالـي نظـر فــي صيـف بــاريس وجنيــــف........وعــز الفتــى فـي ديـــرةٍ ينغذيبــها
لوحــالفتنـــي بالفـــرح والغطــــــاريــــــف........ومـــــارادته نفــس الشقا ترتهيبــها
ماصــار نـــوم العــين كـــــله تنـــاتيــــــف........والـــعين نالــت غمضــةٍ تهتنيبــــها
ولااحــدٍ نشـــد عـن حــالتي نشـدة الزيــف........تقــول يجــهل حــــالتي مــادريبـــها
لاهــــوب عـــني قــايـــماً بالتكـــــاليـــــف........وش دخــله في حــالتي وش يبيبـــها
وعـــادة شـمامـيت العـرب تعمـس الكيــف........وتغـبن اغبــونٍ مايــعالــج طبيبــــها
ويــاكــثر مابــين الخــــــلايق مــلاقيـــــف........وأكــثر حواسيـد البشـر من قريبــها
دايــم ورا الغـــــرات يبــــدي المشاريـــف........وده يـلاقـــــي غــــــرةٍ يفتريبــــــها
كـــــنه حــدا اللـــي يلبـسن النفــــــانيــــف........لا حــصـــــلت هـرجةٍ تجيك تعديبها
نقصــنٍ افعــوله ينقل الهــرج ويضــيــــف........ولا المـــراجـــل صـعـبــةٍ يعتليبـــها
والعــــرف مايعـرض علـى غـير عريـــف........وقـــومٍ بليـــا عـــرف ماينبديبـــــــها
وصـــلاة ربــي عـد ذار العــواصــيــــــف........وعــداد هتــان المطــر من سحيبــها
وعــداد مايـنبــت نبـــات الشــفـــاشـيــــف........علـــى نبـــيٍ ســيـــرته نهــتــديبـــها

نـــــــــــــادر العصيــــــــــــــمي