الذيب غره سمعـة الذيـب وانغـر=مايـدري إن النـاس فيهـم ذيابـه
كم ليلـة قـام يتبختـر مـع البـر=مع قوّته مـع سطوتـه حـد نابـه
مايمنعـه بـردٍ ولا يمنـعـه حــر=كم مـن قطيـعٍ فالصحـاري عثابـه
وفـإحدى الليالي صادفه ليلٍ أقشـر=والله بـلاه بواحـدٍ مـن عتـابـه
رجلٍ اليا شاف الخطر قال أنا أخطـر=يقدم على جـل الخطـر مـا يهابـه
قرر يصيد الذيب في الليـل الأسمـر=صـدّر قـراره فالخـلا واعتـدابـه
وبعد هجادٍ طـال فـي الكـر والفـر=سيطر على سرحان خصمـه وجابـه
وقال استرح في الشبك يالذيب الأحمر=وضمن مصاريف السبـع واعتنابـه
يابو بدر جعلـك بعيـدٍ عـن الشـر=ترى يجـي لذيـاب نجـد انقلابـة
خلـك علـى ماقيـل حـذرٍ محـذّر=وبلّـغ سلامـي عزوتـي بالنيابـة