الله من قلب الليا منه ادلج=لو هو بجو فيه للناس صجه
يدوي مثل مايدوي الطير بالعج=مع خايع مايندرى وين فجه
ماينتبه للي ينادي ليا سج=والليا انتبه كن الشباري تخجه
لابد من يوم به الهم يفرج=عن كل عين بالسهر مستلجه
الله على اللي تو رقمه يبرمج=ماصار فيه من المطانيج رجه
اسرع من الزورق الليا منه امرج=واسبق من اللي بالاشعه يوجه
جمس الليا قامت قزوزه تواهج=ضاعن عريضات الرفارف بعجه
من نقرة العارض يفج القور فج=ويخلي الشملول بين الاحجه
خدٍ تحت مزن بروقه تلاعج=نبته من الوسمي غصونه من اجه
لومابها الا الذيب والطير الابلج=ناخذ بها عن ضيقة الصدر سجه
عن مجمع به راعي الحق يفلج=بعض البشر فرقاااه عمره وحجه
العد تنفاه الضوامي الليا رج=والمر تنكاه الكبود وتزجه

المشاركة الأصلية كتبت بواسطة خلف بن مرزوق 00 الاخ الغالي / بندر الحربي مرحبا مليون بين اخواانك وصح لسانك ولسان والدك قصيدة جزلة وننتظر جديدك

المشاركة الأصلية كتبت بواسطة فيصل المسعودي صح لسان والدك يالحربي على هالجزله تحياتي ياغالي

المشاركة الأصلية كتبت بواسطة مرزوق العتيبي .. . نادره من نوادر الشعر .. لله درك من شاعر ... صح لسان والدك .... ولسانك يالحربي .. ويامرحبا فيك ... مدد بلا عدد .. ولاتبخل علينا بقصايد اخرى للوالد .... .. تحياتي

[size=7]الاخ مرزوق العتيبي

تسلم يالغالي وما عليك زود يالطيب

اتشرف بوجودي بينكم

اخوك بــــــــــــندر[/size]

المشاركة الأصلية كتبت بواسطة ابـن نـعـيـس صح لسانك ولسان شايبك ويا هلا ومسهلا الله يحييك بين اخوانك تحياااااااااااااااتي