يا سلام الله على العتبان من برقا و روقه=ما نفرق بينهم ربعي بني عمي خواني
الشجيع اليا وقف بالسيف ما تنهب حقوقه= ما يشَره في حقوقه لا فلان ولا فلاني

مرحبا ترحيبة (ن) مثل العسل يشفيك ذوقه=بالنيابه عن عتيبه كلهم قاصي وداني
مرحبابك بالشجيع اللي ما احد يقدر يبوقه=في نهار الخوف والا فى الامان وفى الطماني

البقا يا شاعر(ن) دايم تسليني طروقه=مثل صرف الماس من مجناه صرفه للمعاني
فيه شي يدكرونه صار ورواته صدوقه=من بعيد تناظره وإليا اقترب ما شي كاني

والله ان النفس للغالين يالفالح شفوقه=والمعاني ماتجي ليت ولعل وبالاماني
والمطر نسمع رعوده بس ماشفنا بروقه=علم النشمي يلد العين لسيهل اليماني

عادة الملقوف نفسه للغلط دايم تسوقه= لان يونس ضربة المشعاب من بين الادَاني
الله إليا عز له مسلم يهيي له وفوقه= لان حتى في نهار الاخره يكتب جناني

عادة الملقوف يرقدماشرب حتى غبوقه=يشعب العرجا يحسب انه على حر(ن) عماني
علمه قل من يزل الدرب جعل الله يعوقه=كل شاعر له يدين وكل شاعر له لساني