قصيدة في أبل الأمير/ إحدجان بن جامع رحمه الله
 

الموقف الذي أتى بالقصيدة هو حينما كان شاعرنا خلف بن محماس العصيمي في سوق الأبل وجد ابل الأمير عارضها الورثه للبيع وتأثر شاعرنا من الموقف وقال هذه القصيده في الموقف وذكر أخ الأمير/إحدجان وهو الأمير / عبدالعزيز بن جامع في القصيده الذي إشترى الأبل.
ياحي سفي ياجل ذودِ مغاتيـــــــــر ===== نقاوتن هاضت مشاعر إشجونـي
نقاوتن ماجمعوها المعاثيـــــــــــر ===== ربت بعز موسعين الطعونــــــــي
ياليت عندي كملةِ للمصاغيــــــــر ===== والله لدفع ماوراي ودونـــــــــــي
لقيت شفي في شبوكِ مزاييــــــــر ===== عفر وفحلها وسطهن يعومـــــــي
وقف لها شيخ يعد الطوابيــــــــــر ===== الطيب واجد فيه والمال كومـــــي
عبدالعزيز مسخر الطيب تسخيـــر ===== حرِ ندر بين النوادر قضومــــــــي
ولد جامع زبون المعاشيـــــــــــــر ===== زيزوم ربعه من قديم السلومـــي
وإن جاء نهارِ فيه ورد ومصاديـر ===== تمشي براية كل قبِ قحومـــــــــي
وإن غطرفن شكح البني الغناديـر ===== شفت النشامى من زعلهم كقومي
روسان عز بالليالي المعاسيــــــر ===== هم عز برقى في النهار القحومي
هذا وأنا من لابتن فعلها غيــــــــر ===== ألاد عاصم هم مقاديم قومــــــــي
ترعى بهم شقح البكار الأباكيـــــر ===== شقح البكار اللي تخض الحزومي
وإن جاء نهارِ فيه عذال ومشــــير ===== ركبوا على قبِ سوات السهومي
عاداتهم يلغون ذكر المشاهيـــــــر ===== ومن طاح عند إلحيهن مايقومي
مافيه رحمه في قلوب المساطيـــر ===== ولافيه خوف في قلوب القرومي
إلا من الخلاق والي التدابيــــــــــر ===== إلي في حكمه كل عينِ تلومــي
والمعذره إن كان في القول تقصير===== القاف يحكم والبلاد محكومـــــي

تسلم يمناك يا مصوت بالعشا..
وصح لسان الشاعر العصيمي .. والله يرحم الامير / حدجان بن جامع والف نعم فيه وفي اخوه .. وفي الروسان والعصمه عموم ..
واهل الطيب يستاهلون المدح والثناء.. ونفرح الى جاء راعي الضمير الحي شرواك ومدحهم بما يستحقون .. الله يكثر امثالك .

ما عليكم زود ياالاد عاصم
وصح السان الشاعر خلف العصيمي
والسانك
والله يطول عمرك

تحياتي.....................

ما عليكم زود ياالاد عاصم
وصح السان الشاعر خلف العصيمي
والسانك
والله يطول عمرك

تحياتي................

على قولت الدلبحي الدنيا هذا حالها صح لسانك ولسان الشاعر
ومشكور يامصوت بالعشى

تحياتي...........................

لا هنت يالغالي

مشكوور على الاختيار الرائع


تحيااااااااااااااااااااااااتي

قصيدة في أبل الأمير/ إحدجان بن جامع رحمه الله

--------------------------------------------------------------------------------

الموقف الذي أتى بالقصيدة هو حينما كان شاعرنا خلف بن محماس العصيمي في سوق الأبل وجد ابل الأمير عارضها الورثه للبيع وتأثر شاعرنا من الموقف وقال هذه القصيده في الموقف وذكر أخ الأمير/إحدجان وهو الأمير / عبدالعزيز بن جامع في القصيده الذي إشترى الأبل.
صح السان شاعرهاولا هنت ياناقلها قصيده رائعه
تحياتي