عدّيـت فـي راس الطويـلـه بتكـسـاس=لـــو ان مـــا بـــه بـالـولايـات مــرقــا
بــرج طـويـل مـانــزل فـيــه قـرنــاس=بــس ازغــر العينـيـن والبـنـت طـرقـا
وهيضت فـي راسـه ثمانيـن هوجـاس=وجـاوبـت فــي جــر المـواويـل ورقــا
وزاد العنـا مـن يـوم شميـت نسـنـاس=نـسـنــاس دار بالـتـواصـيـف شــرقــا
لا واهنـي مـن سنـد (الخـر) عـسـاس=عـســاس ربـعــه والمـواعـيـد بــرقــا
بفروع (جدلا) فوق مـن رجـم قرنـاس=يــوم بـعـض الـنـاس بـالـنـوم غـرقــا
ياطـيـر يالـلـي تــو ذبـيـت الامـــواس=بـك ريـش غرنـوق وبـك ريـش حرقـا
خل الهـداد وخـذ علـى الربـع مـرواس=انــت الــذي فــوق المحيـطـات تـرقــا
وبلـغ تحياتـي علـى عصـابـة الــراس=ربـعـي هــل الـطـولات مـافـيـه درقـــا
عطهم علوم صادقه من طرف (واس)=انـــا بـخـيــر ولاش غــربــه وفــرقــا
لابـاس لـو هرمـس بنـا البعـد لابـاس=لابــاس لــو انــه عـلـى الكـبـد عـرقـا
مـا دامنـي وان عـدت كسّـاب نومـاس=ابـجــدع النـيـشـان والــرمــح زرقــــا

بسم الله الرحمن الرحيم
السلام عليكم ورحمة الله وبركاته
يابن نعيس
بيض الله وجهك على حسن الاختيار
تسلم يمناك وصح لسان قائل القصيدة

برج طويـل مانـزل فيـه قرنـاس
بس ازغر العينيـن والبنـت طرقـا
وهيضت في راسه ثمانين هوجـاس
وجاوبت في جـر المواويـل ورقـا

قصيدة جميله ومن القلب