قالوا تلاشـى الجـود ياويـن تلقـاه=وإلى بذلـك جـود يلزمـك مـردود
المال ساد وتمشـي النـاس لرضـاه=والادمي في تالـي الوقـت مسيـود
قلت احمد الله منبـع الجـود جينـاه=شيخٍ يمد الجود مـن غيـر مقصـود
أخطـل يميـن وقمـة العـز مبـداه=ولد الحمولـه حافـظٍ مسلـك العـود
عرضه نظيـف ولا تعـدد مزايـاه=وإلى وصفته وصف عن وصفه يزود
ياكثـر سمحاتـه وياقـل عجـفـاه=زيزوم يبذل للصخـى كـل مجهـود
الشيخ ابن جلعود ماخاب مـن جـاه=عبدالعزيز اللي ينـادا بابـو سعـود
الوايلي والطيب مـن سـاس مجنـاه=ياليت بعض الناس من نسل جلعـود
ياشيخ مثلـك تبـذل الجـود يمنـاه=يابن الرجال اللي سند كـل مضهـود
ربعك هل الفزعـات يـوم المثـاراه=هم فزعة المضيـوم فكاكـة القـود
تاريخهـم مكتـوب للنـاس تقـراه=واليوم فعلك وصّل الجـود بالجـود
نعم بنيـت البيـت واحسنـت مبنـاه=يوم الردي يجزأ النواميـس برقـود
وعقب المواجـه كـل شـي هقينـاه=وجهك علامة خير والقـول بركـود
شـرواك للـزوار يضحـك محيـاه=ياعنك مايلّحقك مـن جـاك منقـود
كل مدحك وقـال مااطيـب سجايـاه=وياكبر حظ اللي مع النـاس محمـود
وارجي من الله جعل روحك معافـاه=من كل شـر ولاتعـرض لمقـرود
وصلاة ربـي عـد نـوٍ نثـر مـاه=على النبي واعـداد ماهبـت النـود