ألـف : أولـف وأول الـسـوق نسـبـه=نسبـة تحـت مـا عـاد تحتـاج حسبـة
سوق ضربنا فـوق عشريـن ضربـة=والصبـر زيـن إلا بسـهـم المـواشـي
=====================
والـبـاء : بديـنـا وأشتـريـنـا وبـعـنـا=ويالـيـتـنـا فـيـمــا كـسـبـنـا قـنـعـنــا
طــرنــا وتعـلـيـنـا ولــكــن وقـعــنــا=والصبـر زيـن إلا بسـهـم المـواشـي
=====================
والـتــاء : تـوقـعـنـا تزيدالـمـكـاسـب=وقلنـا نبـي نشـرب لـذيـذ المـشـارب
لكـن ورطنـا بيـن عــارض وطـالـب=والصبـر زيـن إلا بسـهـم المـواشـي
=====================
والثـاء : ثبـت عـنـدي بعـلـم يقيـنـي=انـي خسـرت وراح مـا فــي يميـنـي
الله عـلــى تـسـديـد ديـنــي يعـيـنـي=والصبـر زيـن إلا بسـهـم المـواشـي
=====================
والجـيـم : جمـعـنـا سـهــوم كـثـيـرة=ولا دريـنــا أن الـدعــاوي خـطـيـرة
حـتـى خسـرنـا والـخـسـارة كـبـيـرة=والصبـر زيـن إلا بسـهـم المـواشـي
=====================
والحاء : حسافة يـا جماعـة فلوسـي=حطيتـهـا بأسـهـم وكـسّـرت قـوسـي
صحيـح هالدنـيـا عطتـنـا الـدروسـي=والصبـر زيـن إلا بسـهـم المـواشـي
=====================
والخاء : خلاص اقول توبه ولاأعود=لو كنت بالمكسـب موصـى وموعـود
وهـذا قـرار مــا عـلـي فـيـه منـقـود=والصبـر زيـن إلا بسـهـم المـواشـي
=====================
والــدال : دجيـنـا بسـهـم الـمـواشـي=نشـريـه غـالـي ثــم نبيـعـه بـلاشـي
هـذا جـزاة الـلـي شــرا بالخشـاشـي=والصبـر زيـن إلا بسـهـم المـواشـي
=====================
والــذال : ذاك الـلـي تسـبـب عليـنـا=ويـــلاه لـــو انـــه يـطـيـح بـيـديـنـا
مــن دون ذبـحـه كلـنـا مــا رضيـنـا=والصبـر زيـن إلا بسـهـم المـواشـي
=====================
والـراء : رمينـا رمـيـة دون رامــي=وصـابـت وقلـنـا حرفـنـة يـاسـلامـي
السـوق طيـب ليـن جانـا الصـرامـي=والصبـر زيـن إلا بسـهـم المـواشـي
=====================
والـزاي : زدنـا يــوم شفناالمـرابـح=وقمـنـا مــع العـالـم نـزيـد المطـابـح
ويمكن على بعـض السهـوم انتذابـح=والصبـر زيـن إلا بسـهـم المـواشـي
=====================
والسـيـن : سويـنـا بـهــا فاهمـيـنـي=نشـري نقـول السـوق بكـره يزينـي
نبغـى المكاسـب وأثـرنـا خاسريـنـي=والصبـر زيـن إلا بسـهـم المـواشـي
=====================
والشين : شاري يومه السوق غالي=مــا همـنـي لـــو زاد فـيــه اريـالــي
لا والله الا راح بـــاقـــي حـــلالـــي=والصبـر زيـن إلا بسـهـم المـواشـي
=====================
والصـاد : صـدق الـلـي سهمامـنـول=حـول ميـه وسبعـيـن والـيـوم حــول
يـنـزل الـــى سـتـيـن شـــي يـهــول=والصبـر زيـن إلا بسـهـم المـواشـي
=====================
والضـاد : ضاربنـا بسـهـم الفـنـادق=لـكـن رمـونـا مـثـل رمــي الـبـنـادق
حـتــى زبـنــا بالـحـفـر والـخـنــادق=والصبـر زيـن إلا بسـهـم المـواشـي
=====================
والطـاء : طمرنـا طمـرة دون داعـي=نبغـى النسـب بالباحـه أوبالجمـاعـي
والـيـوم يكفـيـنـا حـلـيـب الـمـراعـي=والصبـر زيـن إلا بسـهـم المـواشـي
=====================
والظاء : ظلمني من نصحني بتعميـر=ويقول لي هـذا السهـم مكسبـه غيـر
وانـا مطـبـح فـيـه مــن دون تفكـيـر=والصبـر زيـن إلا بسـهـم المـواشـي
=====================
والعيـن : عـيـوا يرفـعـون المـؤشـر=يمكـن سيـاسـة ســوق لازم يخـسـر
كــم واحــد مــن ذا المـؤشـر مـدمـر=والصبـر زيـن إلا بسـهـم المـواشـي
=====================
والغـيـن : غـيّـر يالمـحـافـظ وبـــدل=موضوعـنـا حـلـه وبالـسـوق عـــدل
نظـامـكـم مـــا هـــو كـتــاب مـنــزل=والصبـر زيـن إلا بسـهـم المـواشـي
=====================
والفـاء : فتيحـي مشتريـنـه بطمـعـه=لـكـن جـانـا مـنــه عـشـريـن قـمـعـه
مـا اظـن يستـاهـل حسـابـه وجمـعـه=والصبـر زيـن إلا بسـهـم المـواشـي
=====================
والقـاف : قالـوا بكـره السـوق يرتـد=والـوضـع اشـوفـه كــل يــوم يتعـقـد
مقـرود يـامـن طــاع شــور المـقـرد=والصبـر زيـن إلا بسـهـم المـواشـي
=====================
والـكـاف : كـافـي يــا وزيرالتـجـارة=خمسـيـن بالـمـيـه علـيـنـا خـســاره
ان كــان تفـهـم فــي فـنــون الاداره=والصبـر زيـن إلا بسـهـم المـواشـي
=====================
والـلام : لبنـى يـوم أغـارت بلاخيـل=خـذت بسطوتهـا سـهـوم الرجاجـيـل
وخـلــت مدامـعـهـم تـبــل المـنـاديـل=والصبـر زيـن إلا بسـهـم المـواشـي
=====================
والميـم : مـا تنـفـع سـهـوم العـوايـد=خسـرانـة ومــا عــاد فـيـهـا فـوايــد
الـفـايـده بـالـكـاش لا صـــار زايـــد=والصبـر زيـن إلا بسـهـم المـواشـي
=====================
والنون : نادوا من يعـرف السلومـي=وقولـوا توجـه يــم شـيـخ القـرومـي
يحلـهـا لا صـــار وقـــت الـلـزومـي=والصبـر زيـن إلا بسـهـم المـواشـي
=====================
والهـاء : هــروج كــل يــوم تـعـادي=كـــل يـســوي فــاهــم ٍواقـتـصــادي
ياطيبـكـم عـنـد العـشـاء والـمـنـادي=والصبـر زيـن إلا بسـهـم المـواشـي
=====================
والـواو : وهقنـا المسـمـى ابراهـيـم=يـقـول انــا بقـلـب جمـيـع المفاهـيـم
يـاعـزتـيـلـه عـلــقــوه الـشـغـامـيـم=والصبـر زيـن إلا بسـهـم المـواشـي
=====================
والياء : ياربي طالبـك ترحـم النـاس=وان تنتقم يـارب مـن فعـل الأنجـاس
ولا باس ياللـي صابـه الهـم لا بـاس=والصبر زين إلا بسهم المواشي ..!!