انا ياغازي مـن زمانـي تعلمـت=
صحيح من قال التجارب براهيـن=
فأحبال ناسً زيـد فنيـو تلزمـت=
احسب وراء المقفين ناسً مقيميـن=
وعندي ثقـه لاقمـت والا تكلمـت=
ان الاسامـي تحتميهـا المسميـن=
واثر الامان ونعمة الدين والصمـت=
تستر لها ناسً من الستـر عاريـن=
عليك يالميّـت حزنـت وترحّمـت=
وازراء يضم الطرف ماجابت العين =
يوم اتذكر بعض الاشيـاء تألمـت=
ياوجـد حالـي يازمـان المقفّيـن =
عزالله اني مـن زمانـي تندمـت=
وعرفت ويش الفرق بين الذوييـن=
عندي خبر ياوقتنـا ويـش قدّمـت=
واللي بقاء هو زين والا بعد شيـن=
سلطان يوم اني على الدله اضرمت=
قطع ضرم راسي بسبعـة فناجيـن =
بأذني وبحساسـي لفنجالهااطعمـت=
محكورةً تجمد على شارب الصيـن =
يللي لدلـة سحـر الالبـاب لقّمـت=
وفيها جمعة اشروط عايـد بتقنيـن =
من غيرها لاذقت فنجـال كرّمـت=
الا مثلها ميـر هـي مثلهـا ويـن =
ويللي على زمان الاجـداد هايمـت=
من يوم شفت وعفت من جيل الالفين =
وقتً على العالم مثـل ماتكرّمـت=
تغيـرت فيـه الشيـم والقـوانـن =
مدري لفانـي علـم والا تحلمـت=
بعض الحرار احفادها جت كراوين =
مالو عن العادات والدين والسمـت=
ايسار والا اسلافهم راحـو ايميـن =