=ونفسي للوفا والطيب وفعل الخير جزامه
=وأسيّر نفسي بعقلي مدام النفس هدامه
=ولا يقوى على قلبي صغير الحسد وأجسامه
=وترى لا خير في رجلٍ يوطّي للردى هامه
=أوفي له مطاليبه وأودّه وأرفع أعلامه
=أعايش مركب الدنيا على متن القدر مولود
=ومن في هالزمن يقدر يوجّه خطوة أقدامه
=ومن منّا قدر يعرف خفايا مقبل أيامه ؟
=عرفت إنّ القدر يفرض علينا بأسوأ أحكامه
=وبه ناسٍ لنا ضامت ، وبه بالناس منظامه
=مدام الحسد باقي وبعض الناس نمامه
=ولا تشره على رجلٍ عيونه خانت أقدامه
=تناسى غلطة الصاحب عليك بلحظة اخصامه
=تروّى واعرف بضرب الحديد تفكك لحامه
=تراك بكسرة الخاطر حكمت القلب بعدامه
=ولا تامن من الحاسد رضاه ورفعة ابهامه
=مدام إنّ البخت عيّت توّفق رمعة سهامه
=ولكن الفتى ودّه يحقق جملة أحلامه
=وعن وجه الزمن بكشف حقيقه وأرفع الثامه
=وأنا عندي مع الدنيا مواقف ترفع الهامه
=مدام إن الأمل طبعي ( عرين وصرت ضرغامه )
=تحت رمل الثرى نبقى تغطي جسمنا خامه
=ولا يبقي من الميت سوى ذكراه وعظامه
=وكلٍ يطلب المولى يبيحه يحسن ختامه
=وصحف البيّنة جفّت وعنها رفعت أقلامه