سلام تسليم الوفا ساسه على مذهب ودين=وناس(ن) ماتسمعني بأذانيها تشوف عيونها
الشاعر اللي يحتم(ي) الميقاف بين الحاضرين=يقلط ويسمع هرجتي ويبين له مضمونها

يا مرحبا ترحيب وافي في حلال الطيبين = تحية ٍ يأهل من دونها مأمونها
سولف وهات العلم وأزبن يمة الحصن الحصين = هات الجديد من العلوم اللي تعرف لحونها

دام البقا والصبر ياماجد تعدى ساعتين=وراع البضاعه يارفيقي مافتح كرتونها
ياشينها ساعة تنادي والعرب متجاهلين=ماهيب عادات العرب ماهيب من قانونها

ضيقتك ضيـــقة صدر والدنيا لها رب ٍ يـــعيــــــن =وعلومنا فــي وقتـــها فـــي وقتها تاحــونها
مـــحـــد ٍ تجاهل كلمتك والدرب والممـــشى يمين = وإن بان شي من العرب كشف الخبر بظنونها