لابتي يا حي يا حي ذا اللابه=لابة ربي من العز معطيها
عزوتي يالاد سامي هل الهابه=زربة الطارف ليا قمت اناديها
المواقف يا مناعير غصابه=قبح الله وجه رجل يخليها
فعلنا يوم الغزي ما يحلابه=يا الجموع اللي تروع عزاويها
يشهد الطارف وتشهد لنا اهضابه=وتشهد الديرة وتشهد ضواحيها
لا ركبنا فوقهن غصب جينابه=والبنادق مبعدين مراميها
كانها بالحرب للحرب حرابه=كم كبود بالشلافي نفريها
وكانها بالسيف ما يدخل اجرابه=والسيوف الحدب بالدم نرويها
وكانها للعب للعب لعابه=ناخذ الجزله ونوفي ونعطيها
ومن طبخ راسه وضاقت به اثيابه=لو يطول الوقت ما هوب ناسيها
والخطا والله ماحد بيرضابه=مير لا خربت ترانا نسويها
لاصهلن الخيل من عزوتي لابه=لابة ربي من العز مرهيها