أثرني عاشق مثل مجنون ليلى ... !
 

أول محاولة لي في الشعر إسمحوا لي بتمريرها هنا



أثرني عاشق مثل مجنون ليلة
ومثل من يدعى كثير يحب عزة

بس لي قصة مع البنت الأصيلة
اسمعوها والعدو محروق رزة

واعرفوا قلب المعنى وش حصيلة
يوم صار يشيل همه كل حزة

كلمتني ياجماعة ذات ليلة
بالغلط وتقول وش بك ما تنزه

فلّها والنفس لاتصبح ثقيلة
ولاتصير النفس دايم مشمئزة

قلت ليش الفشخرة ياويش هيله
دام عندي شيمة وموجود عزة

ودام قلب المؤمن الصالح دليلة
العلم ماهوب كل وقتٍ يرزة

ياحبيبي عقب عديت الطويلة
مثل ذيبٍ كل من مره يخزة

قولة أحبك ترى والله قليلة
وش محبة من مودة من معزة

صرت ميّت فيك ما فاليد حيلة
والجبل ماكل معصيرٍ يهزة

مير منك الضلع جا مثل النثيلة
لان مابه شخص قدامك يدزة

حبنا عابر ولاتطلق سبيله
لين كل بعيد وقريّب تقزة

ابتدينا والصدوق الله وكيلة
وانتبه صاحبك حذرى تستفزة

دامه اللي يدعّي لك كل ليلة
يالله انك تنصرة يالله تعزة