سلامي ياهل الوفا والطيب جاله مجال=من بعد مازانت الاوضاع زان الجدال
ياذياب ياشاعر العتبان قال المثال=الحي يحيك والميت يزيدك غبن

يا سلامي على الحضّار واهل المكانا=خبرة ٍ عزها الله من قديم الزماني
ياذياب العتيبي من قديم الزمانا=مايسود النجوم الا سهيل اليماني

يامرحبا ياهلا من هاجسن مايغيب=ياذيب ياللي تناد الذيب والذيب ذيب
الذيب واصلك للميقاف وأنته قريب=الحي يحييك والميت يزيدك غبن

مرحبا ياعميلي من صدوق اللسانا=كلمت الحق دايم طارفه في لساني
النجوم المطله واجده ياحددانا=وأنت واقف مكانك ماتجي في مكاني

دام البقى بك يابن غانم وعمرك مديد=الوضع بيّن ولا به يالسنافي جديد
فنجالها يالعتيبي في يدين العقيد=الحي يحيك والميت يزيدك غبن

البقى يالمرحب عد وبل ٍ نشانا=والسوالف ترا ياذياب ماهي تخفاني
النجوم المطله ياولد في سمانا=مير خذ من نصايح شايبك يافلاني

يانعم يانعم يا نعمين وجه وضهر=لكن ريح عيونك من دروب السهر
البنت ياصاحبي فيها دفعنا المهر=الحي يحييك والميت يزيدك غبن

العشر يالسنافي لا تعود ثمانا=لان عشري تراها ماتعود ثماني
النجوم المطله فالسماء ماعلانا=والعرب ماترى بعض الكواكب تراني