ياصبي قحطان باقي بيننا بعض الدعاوي=يانصلحها وتصلح ياتولع في ثواني
والعتيبي ملتوي بالحبل والحبل الرهاوي=تعرفه فالمعركه لامن ركب بنت الحصاني

ان ضميت اقلط وانا عمك على العد الرهاوي = وان رويت انهج وشيل الحمل يالهرش العماني
نعم بعتيبه لكن ما بيني وبينك يساوي! = مير شد الحيل والبس فالملاقا جبخاني

مانت عمن لي عسى تعمك كبيرات البلاوي=آخر الايام عمي صار من قوم قحطاني
وأبك حنا عتيبه الهيلا بعيدين الهقاوي=ماتساوينا الزيود ولا يساوينا اليماني

يا ذياب انته شواويٍ على وارد عراوي = وبالسوالف تحسب انك صاير فلان الفلاني
نعم بعتيبه لكن ذياب لا زاد العزاوي = لا حضرنا ماله الا يصد ويهز الاذاني

أنت يابن مظيم للنكبات فالايام هاوي=عندنا فرك الخشوم وعندناقطع اللساني
اتعزوا في عيال حميد وبخيت العطاوي= وأنت في لبده تعزوى كيف قل يامودماني

قبل لا تقطع لساني لا تطيح الا متساوي = يا كبر زولك ليا من جيت من بين الصواني
واضح انك تومي براسٍ من التاريخ خاوي = يا خواني ويش اسوي بالمهبّل يا خواني ؟

ماني أبقاطع لسانك باعتقك لله ناوي=بأعتقك لله يوم الله في عتقك هداني
راسي اللي شالكم من نجد يابعيد المناوي=راسي اللي ماتغير فالليالي والزماني