ياكبير العقل والعمـر فـي عقـل البصيـر=آستمـع يمكـن مـع القـول تركـد وتعقـل
يوم شفت الفرق بالعمر صار الوضـع غيـر=واختلفـت وقـلَ قـدري بقلـبـك ونتـقـل
كانها بالعمر والـزول قـول إنـي صغيـر=كم كبيـر بـزول عاقـل ولا عنـده عقـل
وكانهـا بالعقـل عقلـي وتفكيـري كبـيـر=وانت شاهدنـي .. وشايفنـي بعقـل وثقـل
والصداقـه ماتسـوى بتحـديـد المصـيـر=ماتبينـي قـول وآبعـد وقــدري مايـقـل
كم طويـل يشـوف حالـه ويلعبـه قصيـر=وكم ضعيف بحزة الهوش يغلـب لـه هقـل
وانت قبل تعرف عمري عرفت شلون اسيـر=وانت وافي منت ناقـص وانـا مانـي بَقـل
لا تكابـر حالـك .. ياغنـي مانـي فقيـر=كان عمـرك بجعلـك حـر مانـي معتَقـل
لـو تشـوف الطيـر والله ماتقـدر تطـيـر=والبعيـر إن قـام يهـدر عقـال وينعـقـل
مابغيت العطف منْـك وانـا مانـي كسيـر=ولا طلبت القرب منْك علـى حـذف العْقـل
وانت لا حاشك وجع ضرس ماترقـد بخيـر=بس مايحرمك نومك سوى ضـرس العقـل
لا تساومنـي بهـذي وهــذي ماتصـيـر=تـدري ان السـن ماعـاد ينفـع لا رقــل
ادري آن الـرد يزعـل وماقلتـه خطـيـر=بـس هرجـك زود الهـم بالقلـب وثـقـل
ليـن جـددت الجـروح وكتبـت الله يجيـر=عادتي بالضيقـه آكتـب ومـن ودى عٌقـل
شاعر وماني بـالاول .. ولانـي بالاخيـر=وآن كتبت آحـاول يكـون فكـري مستقـل
وآكبر إستقلال فكري من جـروح الضميـر=وآنت ماقصرت فينـي وجرحـي قـال قَـل
عارفٍ نفسي وعْرف البصير مـن الضريـر=واعرف ان الدمع ينزل من آهـداب المقـل
لاتزيد الطين بلـه بكلمـة يـا(( صغيـر ))=ماتحمـل غلـط الـلـي لهـمـي مانـقـل
وان بغيت تصير غالي فهمت وصـار خيـر=وان بغيت ارحل وآفارق ولا قدري (( يقل ))