لا قـل مــالك يــا فتى قـــــلــو النــــاس= كـل ٍ على كيـفـه يسبـك ويشنـــاك
وأصــبحت سلعــه بيــن شاتــم وبــلاس= وكـلٍ نسـاك وصد وأقفى وخـلاك
لو كنــت طــيـب طيبـك الـيــوم يـنـداس= ما عاد تـسوى يافـتى كود ماطاك
روحـتـك هي جـيـتـك بالـهــم والــيــاس= ماحـدٍ يحسـابك ويبادلك وش جاك
وأن ضـاق صـدرك زادواعاداك بوناس= فــرحــو وكـلـن بالـنمايـم تـولاك
وإن زاد مـالـك صـارو أحبابك أجـنـاس= كـلٍ نصاك وصار ممشاه ممشاك
من حـيـث ما تنـوي يـوامـيـلـك الــراس= يفـزع معك لاصار محتاج ينخاك
من زود مالـك صـرت طيــب ونبـراس= بـيـن العــرب ماشيف مـثــلـك ولاأحِــلاك
لـو أنـت خبـل ٍ مـالـك أصــلاٍ ولاسـاس= مير الـله الخالق ومن ماله أعطاك
والـله يـرزق مـن يــشاء له مـن النــاس= يحرم ويعطي بأمره كنوز الاملاك
ولـيا حــرمـك الـرب لاتـقــطـع الـيـاس= خـل الرجـاوي بالـذي ما تـرجـاك
ولـيا عـطـاك الــرزق ربــك فــلا بـاس= تـحـمـد الـله يـافـتى وأكـثر دعـاك
أد ر أن هـالـد نيـا سـريـعـة بـالانـكـاس= تـصـبح بها تـاكـل ولـيلاٍ تعــشـاك
ما ر إغـتنـم فـرصــتك مـن قبل تحتاس= قـدم عــمـل مـا دمـت حيٍ بـدنـياك
المـوت جـايـك ما على المـوت حــراس= صـبحك صباحـله وممـساه ممساك
إمـا لـبـسـته ثـوب حـطك لـه الـلـبـاس= مـا مــنه فــكـه لا لـهــذا ولاذاك

النسناس الروقي