يا الله في حكمتك ما عندي اعتراض ولا جدال = راضي بحكم الله مؤمن في قضى الله وقدره
من لأرضي في حكم رب الكون ما حالة بحال = ربً يسبح له جميع الكون ووراق أشجره
الموت حق وعمر إبن أدم مثل شمس الزوال = وترى ألـبخـيـت من العرب من مات وإبنه يذكره
والله ما مرت علية ساعةً عقبة غفال = حتى بعد من حب أبوي أحب ذيك المقبره
يا الله جعل المنزلة هاذيك يسقيها الخيال = يمطر عليها كل ما خيل سحابة ممطره
فيها الذي ما شال له نمه ولا بالبطل مال = حلو النباء حسّن الخصائل فالسجايا ما ندره
والله ما شافت إله عيني حلياً فالرجال = سبحان من هو قسم عقول البشر بين ابشره
رزانة فالعـقل ما يعطي جواب بلا سو ال = واليا تـحدث كل هرجه يشهد الله إثمره
ينـفـق ويعطـي من سعة ما هو رياء ولا احتيال = له فالكرم نظرة بصير أن العطاء من ميسره
تنفق يمينه ما درت عن ما عطت يده الشمال = وعلى أهل بيته ما ينقص من عدالته اشعره
يمشي دروب الحق ما همه قصار ولا طوال = الحق عنده فالوجه ما هو في بطنه وظهره
فالثلث الأخر يطلب الله في خشوع وفي إبتهال = يطلب من الله العفو و العافيه و المـغـفره
عسى جنان الخلد منزاله من الله ذو الجلال = ويا جعل قبره روضةً خضرا ورياضً مسفره
عاش أبــحلال ولا ربانا إلا على الزاد الحلال = وأنا تعلمت الصبر من والداً يا مصبره
يقول لأ تـعـقد حجاجك بغض ومشي بعتدال = واعرف ترى يابوك أن العفو عند المقدره
وأوصيك عن بعض الدروب وقول قيل وهرج قال = والحق عده لو على يمناك والبطل أنكره
لا يأخذك فالله لو مت من يلومك فالعدال = واعرف ترى من يستر المخلوق ربك يستره
خطبً جلـل فقيدة ٍٍٍ يا عظمها فوق الجبال = والله ما يوفي حقه الأقلام ولا المحبره
عزايه إنه باقين عندي مثل ظلي ظلال = ويا الله عساه بـجنة الفردوس في خير إمدره
قولوا معي آمين ثم آمين يا وجيه الرجال = نطلب لأبوي العفو من رب البشر والمغفره