ياركب اللي فوقها الكور يرسي=ماهي وحدها ثامنه له ثماني
ياراكب من عندنا فوق مرسي=حيل يبتن عاليات المتاني
لامن ردن الثوب للمتن لسي=تفز تقل ملاطمه معلواني
تلفي بنيه ستر حسنا وحسي=راعي دلالٍ ساهره معشراني
سلم على اللي للخطاطير ونسي=يم ابو تمن شوق ضاف الثماني
ان نشدك عني كفى شر عرسي=خذيت بقعا بنت غبن الزماني
قامت تصفعني بخمسه وخمسي=والدم من كف العينه غشاني
من ضربها لي طاح نابي وضرسي=ومن صفقه العارض به الشيب باني
كن كربتني بالحقب هو وحلسي=وكن كربتني بالحقب والبطاني
تسقي علي كروم من كل جنسي=ياقرد عين السايق اللي سناني
سواقتي عبيد سمران طلسي=من البين يدعون الصعب مرجعاني

اسق غيدٍ ناعمات بوادي=ميرهن لتالي السنه يذخرونه
وحط للعوان تمرٍ وزادي=غير حق الضيف لا تزحمونه
وان جتك من فروع الحمادي=والا من الضاحي تهامل عيونه
ينحرون الباب هرج وكادي=ومن نطحهم عنا ينشدونه
ولا تطاوع لينين الوسادي=العجز راعيه ما يمدحونه
خذ وصاتي يا نضايض فوآدي=خذ كلام الصدق لا تزهلونه
الضعيف لو دهن بالزبادي=بالملا يا مسندي ما يبونه
والقوي لو هو كذوبٍ هبادي=كل هرجه بالقلم يكتبونه