يقول من ياخذ بكيفيه ويختار
 

بسم الله الرحمن الرحيم

السلام عليكم ورحمة الله وبركاته

استلمو لاهنتو

يقول من ياخذ بكيفه ويختار === فكره يصنفله على كل سيره

لافتردولاب التفاكير وندار -=== يبدع حسين القول ما يستعيره

ياخذمع الطاروق سجه ومشوار=== لامادحن عمره ولاذم غيره

الناس تنبيهاعن الناس الاخبار === والعرف مايخفى الرجال الخبيره

والقل ماعذرب طويلين الاشبار === والمال ماغنى اهل النوس الفقيره

والشار يوخذمن حكيمين الاشوار=== والشعرماكلن يجيدإتعبيره

الشعر اله مدخال دربً ومظهار === رجلن يعيرله ورجلن يعيره

ياجاهلن بدع المثايل بالاسطار === الشعر خله لاتعرقل مسيره

خله لبونايف اليا عد بيطار === حيثه من احساب الرجال الشهيره

الي يلهم بالعرف ماردومصدار === ولاينحصون اهل العقول المنيره

يصعب علي اعدهم كلعهم مار === مع ساير العربان في كل ديره

قلته وكلن عنده ادراك وبصار === والسيل يعرف واقعه من عويره

وصلات ربي عدماطايرً طار === على بشير الحق وايضانذيره

صح بدنك يابن العم

واشكرك على المرور الكريم

يحياتي

صح لساااانك يالرويس

تحياتي لك

الشاعر الرويس

صح لسانك

قصيده رائعه


تقبل تحياتي

صح لسانك يالرويس وبيض الله وجهك
قصيده رائعه سلمت يمينك والله لايهيينك


تحياتي لك ...

الي الاخوه الاعزا
نايف الحويماني صح بدنك ولا علاك زود واشكرك على مرورك الكريم

ذيبان صح بدنك ولاهنت ومشكور على المرور الكريم

فيصل صح بدنك واشكرك على حسن الاعجاب ومرورك الكريم

النووي صح بدنك و اشكرك على طيب التعبير ومرورك الكريم

صويب الرمش صح بدنك ولاهنت واشكرك على المرور وجهك ابيض