غنيت من شكوى وشكواي ثنتين = وثنتين جتني فوق هـذي زيـاده
اشكي من القل واشتكي كثرة الدين = وفراق ابويه زاد همـي نكـاده
والوالده ما طاوعتني على الزين = مع بنتها شـدت ولاهـي بعـاده
شكواي الاربع طاعنتني بسكيـن = من همها كني طريـح الوسـاده
يارب تفرجها على السرع والعين = وتبدل همومي سـرور وسعـاده
اصبر واصابر حر ماني بمسكين = والمؤمن اللي غاية الصبـر زاده
ارضي كريم الوجه ربي لنا معين = يرزقني الجنـه نهـار الشهـاده