ياسلام الله سلامٍ علـى روؤس الحـرار=لرجـال اللـي لهـا فالـزوم مقـدمـه
ياحبيـب طالـت الهيمنـه والأحتكـار=وأنت ماأدري تجهل العلـم ولا تعلمـه
مرحبا ترحيبتٍ دايـره فـي كـل دار=لرجـال مصممـه للـزوم مصمـمـه
كان ماعندك صبر مالك إلا الأنتحـار=حط في نفسك شريحـة جهـاز ملغمـه
البقا بالشاعـر اللـي تحـوّل مستشـار=مايهمـه لـو يقطـع بدمـه ولحـمـه
أحسبنـك فيـك قـدره لتنفيـذ القـرار=وهثر بني البيت عنـدك ملعثـم لعثمـه
مايقدم من رجـالٍ عليهـا إلا الخيـار=وأنت يامطوع جهينه محمـد عكرمـه
البشـوت مفصلـه لطـوال وللقصـار=والسناني ركبته شبر عن كعـب إقدمـه
أشهد إن الحظ طيب وزاد النـار نـار=وأنت مابين الفريقيـن تبغـى المكرمـه
ميـر لاهـذا ولا ذا يطلعلـك شعـار=كود مستور العصيمـي يلـد لمحزمـه
فرق مثل الفرق فالليل عن فرق النهـار=عاصمتك العيص وإعشيره إلنا عاصمه
ليت عن نفسك تحاول تـرد الأعتبـار=أنت في مافات وإسمك ماغر بالمرسمـه
ياحبيب قبل تصـل المشاريـه الكبـار=كل ديره عنـد أهلهـا بـلاد مكرمـه
أنت رافقت العصيمي ولحـق القطـار=ليـت يامستـور بنـيٍ بنيتـه تهدمـه
والله إنا مانحاول على كشـف الستـار=ميـر خيـره يامحمـد تكـب النمنمـه
رفقتي عز وشرف مع طويلين العمـار=وأنت لاشفت العصيمي قعدت تخمخمـه
والله إني لاعـدوك ولا طـلاب ثـأر=مير حصلتك لحالـك تديـر منضمـه
يوم راع الطيب ماله عن الطيب إعتذار=الرجل يؤخذ على الكلمه اللي مـن فمـه
روح دور ربعك اللي غدوا في قندهـار=كل من خان الوطـن للحكومـه سلمـه
لن بغيت الطيبه ماعلى الطيـب غبـار=وإن بغيت الثانيه كـل جنـب وميسمـه
وأنت إلك معهم جماعه تلاقوا فالمطـار=كل متجنـي يبالـه طلـب ومحاكمـه