إنزعي عنك قناعك ..واتركي فيني قناعي=ودي ابقا في عيونك شي غامض.../ بالقناع
لاني عاشق ومتطرف.. هذا فكري وانطباعي=يعني حيٍ بإقتناعي..وحقي ابقا بإمتناع
واصبح لاجيء بالسياسه((اتفه اخباره))تشاعي=في دويلة حب..صافي..مابها لعب..وخداع
وتسمعين ((اقوالي))اللي تنشر بصحف وتذاعي="والله لافعل..والله لافعل..واقلبه هالسقف قاع"
وانشيء احزاب التعارض...وانقض اطراف النزاعي=واشعل الموقف حريقه..في دمارٍ..في ضياع
واتسبب في تزعزع أمن دوله..لــ(النخاعي)=حتى يذعن تحت حكمي كل عاصي..لي طواع
ثم اصف جيوشي الي.. لايعة حرب التياعي=يم وجهك با اتوجه..دون خوفٍ وارتياع
الف قايد..والف فرقه..مثنى..واثلاث..ورباعي=كلهم لجلي فدايا..وروحهم دوني تباع
وأول وجهه لي شفاهك..بسقي الضميا الجزاعي=لين يروى من جنودي..هالثوالث والرباع
ثم أقود الركب كله..قاطعٍ درب الضياعي=يم خدك لي مآرب..لي شواكي..والتياع
ياهي بيدا تحتويني..بكل متر.. وكل باعي=اهلكتني بالمسافه..واهلكت جيشي الشجاع
ماوصلت لعينك الا بعد ماماتوا تباعي=بعد ماماتو بصحرا..موتت ذيابٍ جياع
وعند عينك با اتوقف..واعلن كامل انصياعي=وتحت رمشك (سوف انزع)ابيديني هالقناع