ياذاري(ن) ثوبك على حادي النار=دون الولع ياهيه..كيف بتشبي
وانا الولع في داخلي.. جمر و حرار=خذ ما يسدّك.. و البقيه لقلبي
وش حيلت اللي صار للهم مدخار=يدخر همومه وسط صدره يخبي
يسمع لها في تالي الليل محشار=يابري حالي وش نصبْي ولعبي
ما طار طير(ن) فوق..ثم طار.. ثم طار=الا على راسه في يوم(ن) يكبي
يوم المراجل دونها الف معسار=حصلت عاليها وعفت المسبي
ويوم المراذل تنشري برخص الأسعار=حصنت نفسي عن فتنها..لاطبي
الله كريم ويرفق بحال محتار=هو الجواد اللي بعطفه شملبي