اشوف اليامي محمد عليه من الليالي دوس=يوم ان بعض العرب ماتعرف الريّس من المريوس
حذاري يامحمد ياولد راشد تساوى الروس=يطول الوقت والمعنى حطب والنار مشبوبه

ياصاحبي يامحمد ياعريب النسب=لابد يايام ما تصفي مشاريبها
احذر ترا ام الكباير ماتجيب الشبب=والنار شبت ولحقتكم لواهيبها

اقول الله يعين محمداليامي على العتبان = من اول يوم جاهم ماتقهوى دلة الرسلان
يامرزوق العتيبي شف لنا وقفه وحط اعلان =يطول الوقت والمعنـى حطـب والنـار مشبوبـه

ان كان شاعر ولاتجهل سلوم العرب =ياطيبها ليلة جابتك ياطيبها
يالداهيه لاتشب النار وانت الحطب =غيرانتبه للعلوم اللي تهذريبها

نصحتك يامحمد كنت احسب اني عليك آمون=ولكن شفت عكس الحكي ماتدري عن المضمون
توقع ياحبيب الروح لاترجع بدون عيون=يطول الوقت والمعنى حطب والنار مشبوبه ...

ليلى ترا مطلبي هي غايتي والطلب= مااحد ٍ قدر في طلبها غير اشانيبها
بالهون ياصاحبي حذرا يجيك التعب=الناس تدري وخابرت ٍ مناديبها

حبيب الروح قلها يم خلك واستمع لي زين=اذا تلعب معي مثل العرب عان الطريق يمين
وذا عندك علوم ثانيه ماحن لها فاضين=يطول الوقت والمعنى حطب والنار مشبوبه
ماهي بيمك مادام العين تحت الهدب = واشيب عينك من اللي قلت واشيبها
ناديتنا ثم حضرنا بين حكمه وادب =اعط الرياجيل لاجاتك مواجيبها