الشاعر نجر العصيمي / ياموتري ماشريتك والثمن غالي
 

ياموتري ماشريتك والثمن غالي
الا الى صرت ابى ديره تقربها
ولا نهمته وطبح من ورا الجالي
تطبيح ريمية(ن) بالصوت نادبها
ولا تسويتله مع رقرق(ن) خالي
تقول شيهانة(ن) ضفة مناكبها
ولا عطى القار يطوي جرد الأسهالي
طوي القراطيس بين يدين كاتبها
ولا أونس الفرمله مشيته انفالي
أنفال مزيونة(ن) لعيون صاحبها
تخضع لشخصيته من بد الأزوالي
كنه على البعد بعيونه يراقبها
ولو قهرناه لو مشيه على العالي
وقفت اجنود(ن) تدرب عند واجبها
صفق البريكات عند التاير التالي
مثل الصواعق لاهلت سحايبها
وليا طرا طاري من بعض الأحوالي
دغفته لين يشكي من عواقبها
لعيون مزيونة(ن) تطري على بالي
بنت العتيبي وجدي من قرايبها
الخد براق وسم (ن) يشعل اشعالي
وجدالته نسمة الغربي اتلاعبها
والقلب يرجفلها مدري يروالي
مثل التماتيك وندارت عقرابها
حب الشرف زادني هم وغربال
ولا محبة هل الهاتف امحاربها
يدق رقم وجاوب على الخالي
ولا انقطع وقال لصحابه امصاحبها
محبة اليوم قشرا مالها تالي
يحبها اليوم واللاله يجنبها
لو اترك الحب الأصلي يمكن اشوالي
كثر المحبه وبيبانه امخربها
اعيش مثل البشر وأمشي على فالي
وناس(ن) حدتني عسى ربي يعاقبها

مع تحيات / أبو حسن العصيمي 3

صح لسان نجر العصيمي
وسلمت يمينك يابوحسن

على هالقصيده الطيبه

وننتظر المزيد من المشاركات الجزله 0

ولا أونس الفرمله مشيته انفالي
أنفال مزيونة(ن) لعيون صاحبها
تخضع لشخصيته من بد الأزوالي
كنه على البعد بعيونه يراقبها


صح السان شاعرها وسلمت يمينا ناقلها

هذه هي الجزاله

تسلم يالعصيمي

وودنا والله نشوف غيرها من روائع الشاعر نجر العصيمي

اخيرا
تسلم يمينك
ويسلم راسك

بسم الله الرحمن الرحيم
 

بسم الله الرحمن الرحيم
 

تسلم يمناك يالعصيمي3

ويمنا ولد مجري

ويامال العافية

تسلمممممممم يالعصيمي2
 

وصحححح السان ابو حجرف

لا تبخل علينا بخواتها

تقبل تحياتي

الصمصـــــــــام