سمعنا وتابعنا تحالف بلير وبوش = وغزو العراق الحرّ وإعدام سكــانه
ملوه النصارى لين روّح ما غير جيوش = ويوم أظهروا خافيه لدّوا لجيرانه
يقولون عند إيران كيماويٍ مخـْشوش = وحنا نحب الشعب وندوّر أمانه
وشـارون صبح وليل نفسه ما غير تحوش = ما يرتاح لين يشاهد الدمّ باعيانه
وصدّام ظلاّ مــحـْـد يقدر ينوشه نوش = وهالحين تحت الأرض في وسط زنزانة
وتيسير علّوني ورى السجن بالكلْبوش=وهو ما عمل له ذنب يـسجن على شانه
وحنا عرب , عند العرب لا تدّور هـَوش = يا كود إسمـَحـَوا للواحد يهوش بلسانه
جميلين في الظاهر وتفكيرنا مغشوش = نحب الخطأ ونقول نيـّاتنا زانة!!
نتابع نجوم الفنّ أبو الهش وأبو الهوش = ويا حبذا لو إنــها تكون فنانة
وفي تالي الأيام نبغى نلمّ قروش = ولو ينصب الواحد على أبوه وأخوانه
يضيع الرجا ما دام وجه الحياء مخدوش = ويمكن بعد طاحت ظروسه ونيبانه
فيا كم فقيرٍ من حقوق البشر منفوش = ولاهو مفكــّر يعطي الدين ديـّانه
وياكم غنيٍ مجلسه بالذهب مفروش = وهالحين ما عنده ما يعطيه ورعانه!!
صحيح الطماعة تربش اللي ماهو مربوش = وتفقد حكيم العقل عقله وبرهانه
يا لين آخرتها جاينا من دبي طروش = تخبــّر عن الدانة وما أدراك ما الدانة
على بالنا نبغى نحوش المراجل حوش = ورحنا لهم كلٍ مخابيه مليانة
لكن المصيبة كان رحنا طعام جحوش = ترى كبد واحدنا من النصب دمياااانة !!