ياونتي ونات من ضيـع الطيـر=عقابين في كبد الخضيراء حدنه
بغربية فيها عجاج ومعاصيـر=طوحت صوت واتبع الصوت ونه
ونة غلام طاح في جمة البيـر=اقرش واراديـم المقـام تبعنـه
يامير طيري مالقـوه المداويـر=سود الليالي عن دياري حدنـه
ودي توصي يازبون المقاصيـر=اغدي ركابك بالخـلا يذكرنـه
وركابكم بالبـر دايـم معاييـر=مايتركن مرقـاب مـا يركبنـه
والقلب يابو زيد كنه على كيـر=والصدر صيحات الضحى يوجعنه
طيرك غدى بالصيف شاف التناكير=حدنـه العقبـان ليـن اقلعـنـه
والطير وقت القيظ شر بـلا خيـر=تتعـب وكـل ايديـك مااشبعنـه
عندي عوض طيرك ليال المخاضير=فـرخ قرانيـس الهـواء علمنـه
تحير في وصفه جميع الصقاقيـر=نضمن عيونه سـود بحجورهنـه
اشقر عديم ينثـر الريـش تنثيـر=ويديـه شكـاة الغلـب ينثـرنـه
وان صرت قام السلف والمظاهير=بامخافق الاجـوال يعجبـك فنـه
طير يعوضك ياصبـي المخاسيـر=وخل الصياح اونة الصـدر ونـة
قبلك بكينا الطيـر ويـا الغناديـر=كد عذبـن القلـب ثـم اوجعنـه

صح لساااان الشعاااار وسلمت يمناك على النقل الجميل ولا هنت يالغالي

الله يعطيك العافيه وما قصرت مشكوووووور