بسم الله الرحمن الرحيم

هذه القصيدة رائعة بحق ، وقد حيكت لها الكثير من القصص الخيالية ، ونسبت لكثير من الشعراء ..
ولانعلم عن حقيقتها .. ولاعن شاعرها الذي أبدع صياغتها وإليكم القصيده :

غابت ثمان سنيـن حـلٍ وترحـال = غابـت ثمـان كلـهـا مدلهـمـه
قضيتها بالحـب والشـوق رحـال = شوقٍ تحـدى كـل يائسـه وهمـه
سألت عنها سنين وشهـور وليـال = ولا فيه فـجٍ غيـر وجهـت يمـه
وعقب الثمان اللي تعبها برى الحال = جاب الزمـان الكارثـه والمطمـه
جاني ولدها مبتسـم بيـن الاطفـال = ومن بسمته ذكرت انا بسمة امـه
شفته وصاحت داخلي كل الأمـال = بصوتٍ عجزت بكتم الأنفاس المـة
وركضت له دمعي على الخد منهال = ومن كثر شوقي قمت بالحيل اضمه
ولحظة حضنته والطفل في يدي مال = شميت ريحتها على اطـراف كمـه
واستلهمت نفسي مقاديـم الاهـوال = وتم الضيـاع واكـدت لـي متمـه
ليت الغياب اللي شغل غربتي طال = ولا دور العاشق على حـرق دمـه
اليوم بنت الناس في بيـت رجـال = حبٍ على غير الشرف لـي مذمـه
مجبور اعود واشتكي لكل الأميـال = بنفسٍ .. حزينة .. كائبة .. مستهمة
برجع غريبٍ سكتـه بـر ورمـال = يموت .. يحيى .. يندفـن مايهمـه

وسلاااااااااامتكم