اليوم يوم الوطن واليوم موعدنا=نفخر بدوله لكل الكون محبوبه
هي منبع الدين والاسلام منبعنا=وشعارنا راية التوحيد منصوبه
هي عزنا هي بلـدنــا كل ما فينا=هي ديرة أجدودنا ماهيب مغصوبه
ماهيب مستعمره ما غيرنا حنا =عشنا على ترابها بأمجاد مكتوبه
من عهد ابونا وقايدنا وحاكمنا=ا مـوحد الدار من اقصاه لجنوبـه
عبدالعزيز الذي ع العز ربانا =مرفوع راسه ليا اعلى الجو وسحوبه
جانا شعوب وقبايل قبل جمعنا=ونصير وحده تحت راية واسلوبه
لام الشمل في سوا من دون يفرقنا=ما قال هـذا وهـذا يختلف ثوبــه
يحكم بالأسلام والأسلام منهجنا=من يوم عهده إلينالبعث وشهوبه
ومن عقب ما مات قايدنا مؤسسنا=جونا عياله على رسمه ومحسوبه
ما همهم غير نهضتنا وتطورنا=ونكون دولة تطور غير محجوبه
واليوم ما دام عبدالله يعاهدنا=على الشريعه وحكـم الله بمخطوبه
أنبا يعه بالولاء والعهد طاعتنا=انفذ أمـره ولا ننقص بـمـرغوبه
عبدالله اللي وصوفه ما تكفينا=اسنين وشهور لاجل تكون مكتوبه
عبدالله اللي يده بالطيب تغمرنا=نستبشر بشوفته وبموعد اقروبه
عبدالله اللي سندنا ما يخالفنا=حنا معه لين يا أصل لأخر دروبه
ونبايع الوالي اللي هم بايعنا=سلطان درع الجزيره حي منسوبه
قايد دفاعاً بتفكيره يعلمنا =وشلون يهزم خصومه حزة حروبه
ويفكر الأرهاب لن ودك تزعزنا=تخسي ترىحملتك ماهيب مكسوبه
حنا رجالاً نموت افداء لديرتنا=حنا نبي لشهاده وين مـكـتوبه
حنا جنوداً وأبو متعب مجـنـدنا=نفداه وارواحنا لرضاه منصوبه
ومنصور يا قايدنا بالدين عاهدنا=أنبايعه بالولاء وبكل مرغوبه