بسم الله الرحمن الرحيم

اليوم جبت لكم شي جديد وياليت إنها تعجبكم ........ دحدرو تحت بالجربووع .

نسيتني علمني شلون أبنساك = في هالزمن نسيان الأحباب عادي
وشلون لا مرت على البال ذكراك = وطيفك سرق مني لذيذ الرقادي
وشلون لا قالوا لي الناس وش جاك = من كنت في لذة منامك تنادي
وشلون أعيش اللي بقالي بلياك = لا من غدينا كل واحد بوادي
لو قلت أداوي جرحي اللي تباطاك = ما كل جرحٍ يفيد فيه الضمادي
أعلنت حبك لين كلٍ تمناك = غلطه وغيري من خطاي إستفادي
لو .. لي مثل قلبك تمنيت فرقاك = وأكيد قبلك بالجفا صرت بادي
حلوه عذاريبك وحلوه مزاياك = حتى بيوم فراقنا كنت هادي
كن الليالي ودها تكسب رضاك = وأنا يا طول مع الليالي جهادي
في ذمتي ماهي غريبه خطاياك = مبطي وقلبك لو تنبهت غادي
سهله على من كان مثلك وشرواك = مثل الثياب يغيرون المبادي
علمني أكره ذكرياتك وطرياك = وأنسى من الليله صدوق الودادي
ولاني بقايل عقبها وين أبلقاك = راضي لو إن جروح قلبي جدادي
ولا القصايد جعلها من فداياك = لبستها مبطي ثياب الحدادي
باكر على المخطي يدورنّ الأفلاك = ونشوف من يصعب عليه البعادي

صح بدنكم جميعاً

ولو سمحتوا عندي ملاحظه بسيطه جداً في ( إبن نعيس ) ووو ( الدلبحي ) إثنينتكم قلبتوا الدنيا فوق حدر قولوا ليش قلتوا ليش إسمي أنا ( جح للبعارين ) وليس ( حج ) وبالتوفيق للجميع .

وختامها الكل يسمعني = المعذره كان أنا زليت