الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   سل سيفه .. في ضلوعي .. مادرى انه سل سيفه**مادرى انه يوم يرمش بالعيون استلها لي؟؟ (http://www.otaibah.net/m/showthread.php?t=15961)

البراق غازي 18-Sep-2005 12:02 AM
سل سيفه .. في ضلوعي .. مادرى انه سل سيفه**مادرى انه يوم يرمش بالعيون استلها لي؟؟
 
السلام عليكم

مرحبا آلاد برقا وروق

أنا عضو جديد واحب امسي واصبح على الجميع اعضاء وزوار

وارجو ان تنال مصافحتي الاولى رضا الجميع


بعد الصلاة على نبينا محمد (ص)









سل سيفه .. في ضلوعي .. مادرى انه سل سيفه=مادرى انه يوم يرمش بالعيون استلّها لي
هو بكيفه.. يوم يجرح .. قال رمشه (ايه كيفه=والجروح ان جات فانهض وافتح الصدر لقتالي
جاك ضيفه .. تلو ضيفه .. رمح وسهامن عنيفه=وانت كانك .. بن زمانك .. لا تون ولا تبالي؟؟
وصار طيفه .. في عيوني وصارت عيوني بطيفه=وين ماوجّهت انا عيني اشوف انه قبالي
يا ضعيفه .. ياعيوني .. كيف صرتي له مضيفه؟؟=كيف صرتي له إطار وصار للجفنين والي؟؟
هي مخيفه .. هجمته ؟؟ قالت انشهد هي مخيفه=واصطفق شريان قلبي مع وريده واشتكالي
من نزيفه .. صار يسبح في بحر هادر نزيفه=عد له مليون جرح او عد عالي .. شرط عالي !!؟؟
هو نصيفه؟؟ كن قال الرمش للقلب النصيفه؟؟=وانقسم قلبي ومد اوفاه ..واضيعة حلالي؟
ياعفيفه .. ليه هذا .. كنت احسبنّك لطيفه؟؟= قالت احسن .. ليه ماغضّيت شوفك عن جمالي؟؟
قلت كيفه .. وش يرده؟؟ قالت اودى فيه كيفه=وانت صادق وش يردّه؟؟ راااااح مالك فيه والي؟؟

وسلالالالالالالالالالالالالالالالالالالالالامتكم


اخوكم الجديد

غازي البراق

فيصل المسعودي 18-Sep-2005 12:06 AM
مرحبابك يبن العم


صح لسان يالغاااالي


رائعه بحق


تحياتي

غشام نجد 18-Sep-2005 12:08 AM

الــوآفــي 18-Sep-2005 12:33 AM
الله الله

صح لسانك


راااائعه

وجزله

تحياااااااتي

ذيبان

قاطع طريق 18-Sep-2005 01:33 AM
ابن العم غازي البراق

أولاً: حياك الله عند أهلك وربعك

ويا هلا ويا مرحبا

ثانياً: صح لسانك مليون على هذه القصيده الجزله

وبدايه موفقه ان شاء الله

روقي الــ Q8 18-Sep-2005 04:44 AM
صــــــــــــــــح لسانك


قصيده رائعه

مرزوق حمدان العتيبي 18-Sep-2005 09:20 AM
....

..

جزاله ومصدرها جزل
...
صح لسانك ياغازي
وسعدنا بأنضمامك
ومرحبابك مع بني عمك ...
اخوك .....

ابـن نـعـيـس 19-Sep-2005 12:39 AM
غازي البراق

الله مير يحيييك

وصح لسانك


تحيااااااااااااتي


الساعة الآن »09:45 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd