الشعـر هبره..هبر..وعراشـه عــراش=صعـبٍ.. ولا كـل الشـواعـر تلـمـه
بعض العرب في طرقته..يطرق ((الماش))=وبعـض العـرب فـي مرقـده يستهمـه
وانا اشهد ن فيصل على صرفتـه كـاش=ضـم الجزايـل.. كلهـا فـي مضـمـه
هيّـض بقولـه الـف شاكـي ونـبّـاش=وكتّـم فـي عينـي مثـل ليـل المغمـه
الله و اكـبـر يـازمـانٍ ل الأوبـــاش=ارخـى وذلـل فـي مسـيـره معـمـه
وشلـون عـدل الناس..ياصاح..غشّـاش=و وشلـون راع الحـق يمـرح بهـمـه
والله لـو مالـي مـع الفكـر مـطـراش=انـي لفجّـرهـا عـلـى غـيـر يـمـه
قد قيـل مـن لاعـاش.. يقفيـه معتـاش=وانـا عـن االموتـات راسـي ازمــه
ازريت امثلها علـى طـاش مـا طـاش=وازريـت اجمّعهـا علـى رايـة أُمــه
و الحـق ..حق..ولابغيتـه علـى شـاش=يابـن طوالـه بـيّـح الـقـاف جـمـه
ماقول شفت الشعـر.. خيمـه ومفـراش=اقـــول شفته..وانت..خالـه..وعـمـه
الشعـر هبره..هبر..وعراشـه عــراش=صعـبٍ.. ولا كـل الشـواعـر تلـمـه

المشاركة الأصلية كتبت بواسطة ذيب دمخ بسم الله الرحمن الرحيم صح السانك أخوي مشعل على هالقصيدة الجميلة جددددددددددددا

المشاركة الأصلية كتبت بواسطة ابـن نـعـيـس صح لسانك قصيده رائعه يعطيك العافيه تحياااااااتي

المشاركة الأصلية كتبت بواسطة ابن شلواح صح لسانك يالجزل تسلم يمينك يامشعل قلت فأبدعت يالذيب أخوك ابن شلواح