بسم الله الرحمن الرحيم

يا كثرهم لا قلت عرفة وجيه = ويا قلهم لا قلت قدر ومعزه
رجلٍ تعزه بعد ما تلتقي فيه = ورجلٍ ما تلتقي به وتعزه
ورجلٍ ترزه بالمجالس مباديه = ورجلٍ فلوسه بالمجالس ترزه
ورجلٍ يموت ولا يجيبون طاريه = ورجلٍ يجي طاريه في كل حزه
ورجلٍ يهزه بعض موقف ويشقيه = ورجلٍ ماهوب أيات موقف يهزه
ورجلٍ ضعيفٍ ويستفزه معاديه = ورجلٍ كلام أعداه ما يستفزه
ورجلٍ تلزه يعترف لك بخافيه = ورجلٍ على خافيه محدٍ يلزه
ورجلٍ يوزونه ويزعل بناخيه = ورجلٍ يّزعل من حاول يوزه
ورجلٍ تكزه لازم إنك توصيه = ورجلٍ بليا ما توصيه كزه
من لا فرش للمرجله ما تغطيه = ومن لا يخز الناس محدٍ يخزه
إن كنت تعرفني فهي عرفة وجيه = ماهو بشرطٍ لك بالقلب قدر ومعزه