الهيـــــــــــــلا *** منتدى قبيلة عتيبة - ديوان الشاعر / عبدالله بن دبسان الشيباني

مساكم الله بالخير

هذه مجموعة من قصائد الشاعر / عبدالله بن دبسان بن دوخي العبدلي الشيباني احد شعار قبيلة الشيابين البارزين واللذي اشتهر بالقصائد الرائعه والجزله .

هذه احدى قصائده يصف فيها المغاتير من الابل :


	الطرايف نوب يصعب عليه قافها = وياعتيبه عزوتي ودي اغني حكم والطرايف غطرفتها لنا مشرافها = كل ماغنيت راسي منه يقفي ظرم وياهل البل سامحوني بقول اوصافها = والله ان البل يسمونها حمر النعم شرد القيفان فيها هذا محرافها = والله ان البل واهلها لنا مثل العلم الكم اصف درة كل طيب شافها = دونها للموت اهلها تجي صمن بكم والليال المقبله بالعيون اعجافها = ياعسا الهيلا بيوم الشدايد لي طقم من يد الرحمن نلقا السعد باطرافها = ياعسا الهيلا لنا عز نمشيبه قدم كنها خشم ارثمه لاقبلت خفافها = كل هيلا بالمزاين بعد هيلا كرم عاشت الهيلا يديها لها مجدافها = قدم صنقرها خفاشه براطمها رثم كل عفرا طرخمتها عمى من عافها = الصناقر عاليه والأذاني جت قطم في مخاذعها الوسيمه تكون اوقافها = والعوانق عاليه جلد في جوفه عظم العبيه يمها يستوي محذافها = من غزا البوش المغاتير لخطاها جزم كل عفرا يقفلتها يكون الحافها = او برتها بقفلتها مثل ذاك العقم مثل جذع المفقزيه كبار اقلافها = ترفع الشيان بيدينها مثل الرضم

وهذه قصيده اخرى
قالها الشاعر / عبدالله بن دبسان عندما توفي خويه نايف بن محيميد الغدري الشيباني ( رحمه الله )


	حياة الندم ونهاية العمر للخيبه = عسى الله على سنة محمد يوديني ألا ياوجودي وجد عودن فرى جيبه = رمى الثوب يومنه فقد شوف غاليني بعد نايف الغدرا عليه انقلب جيبه = وزماني على فرقا الاصايل مضريني انا يوم نايف مات راسي ظهر شيبه = وانا عارف ان الموت ماهو بناسيني وياعزتي للي منه صابه مصيبه = وانا من وفاته صابني مايكفيني عسى بارد الجنه قبر نايف اتجيبه = شبيه الاسد نايف طويل الذراعيني ابا اعيش في جيزان والقبر اراعيه = انا قبر نايف يوم اشوفه يسليني انا يوم انادي باسم نايف واغنيبه= أبرد لهيب بالحشى قام يطويني زماني رمى قلبي بهمه وتعذيبه = دقيقه يضحكني وساعة يبكيني لقيت الزمان الشين عوج مخاليبه = واشوفه بمخلابه على الكبد يكويني كواني بفرقا اللي طوالن هناديبه = انا وين ابلقى مثل نايف يخاويني انا مالقيت اوصاف نايف من عتيبه = وإذا كان مثله مع الناس خافيني انا اشوف نايف في منامي واهذريبه = ياليته معي لاقمت امشي يباريني احبه وحب الرجال للرجل من طيبه = وإذا حب ربعي عيب عيبي مغطيني وانا لو بغيت اخذ سلاحي واثاريبه = يبا الشرع والقانون دونه يداعيني حياة الندم ونهاية العمر للخيبه = عسى الله على سنة محمد يوديني

وهذه القصيدة أعدها الشاعر في عام 1417هـ ، وذلك حينما وجد فتاة من بنات عتيبه وهي ترعى الإبل بموقع يكون شمال ( جبله ) وحينما أعجب بهذه الفتاة ونضوج عقلها بعد التكلم معها اندفع الشاعر بقول هذه القصيدة المشرفة وحينما أنهى القصيدة قدّمها إلى والد الفتاة بطريقة سرية طالباً الزواج ولكن والد الفتاة قال (يعلم الله إني سبق أن ملكتها فاعذرني) اقتنع الشاعر بالقسمة والنصيب وأخذ يردد هذه القصيدة ويقول فيها :


	ياونتي ونة اللي طاح مرضاني = عظمه تصرم ولا ودوه صحيه زين الصبا كيف اخذ قلبي وخلاني = امشي مع الناس وافكاري خلاويه حمام ياللي تغني فوق الاغصاني = ماشفت لي في قرايا نجد حوريه انا بغني واردد زين الالحاني = والعبد لله عليه حقوق شرعيه واللي جرالي بقوله بين قيفاني = والناس بالناس والاعمال بالنيه والناس فيهم يجي كاسب وخسراني = والناس للناس مأموره ومنهيه والحب موجه مشى يمي وغطاني = وانا عتيبي وموتي من عتيبيه كنه عسيف عليها زين الارساني = هيمن شراشيفها مثل العمانيه من وقت حوى وابونا ادم إلا الأني = ماشيف مثله ولا شكله ولا زيه ياليتني رحت ماجيته ولا جاني = يقوله اللي بنات البدو من غيه بنت اللذي جالهم ماقف وبرهاني = من نجد ساقو قبايلها الثلاثيه بنت الاصايل عليها القلب ولهاني = ماهيب طرش البحر ولا خضيريه والاصل حبه بجمر النار يصلاني = في كبدي اللي بحب الزين مبليه من سبة اللي عليها عين شيهاني = يانفس مانتي بلا ميته ولا حيه ياويل قلبي عليها ويل عطشاني = اليا طراله براد الماء وحاليه بنت اللذي في طرفهم يامن الجاني = من شوفها مايعيشون الهواويه ريح الشمطري عليها بالخلا جاني = اللي على خدها لرموشها فيه والخد كنه قمر عشرين شعباني = والعين عين الوحش والعنق ريميه منها يهب الشمال بريح ريحاني = والعود الازرق يهب مع الجنوبيه في نجد جاني عذاب القلب وانهاني = جاني شمال ( جبله ) في ضو عصريه ورعن جديله تثنى فوق الامتاني = جود صوابي ولا لي منه ماويه لاجيت يمه برمش العين حاكاني = يقول مالك ورايه حق ورعيه ومن شافني قال ابن دبسان سكراني = والحب اله سكره بالموت مقفيه الحب من ذاق سمه جاه ماجاني = جوفه سواتي يقضه حد جاويه وان قالو الناس ابن دبسان غلطاني = ابن سبيل شكى قبلي شكاويه

وهذه قصيده اخرى :


	ياراسي اللي هناديبه مشيبته = ماجور ماجور ياراس الحليفاني ياما وطيت الوعر والنوم شلهبته = اهذل هذيل الفهد لين الشلل جاني رجلي قدمها على الطالاات عذبته = الله يقصي زماني كيف يقصاني وقتي غدرني وصدقته وكذبته = شره يبيني لكن الموت ماجاني ياوجهي اللي سموم القيظ لاهبته = من شوف وجهي ضحك خطوا نسيواني لي غاية مايل الصرة مصاحبته = كلب النمايم شبيه الذيخ ندهاني اللي ترده عن الطاله معزبته = بين العجايز مثل كلب الامريكاني الله على اللي ليا مني تقربته = ترسل بواجيه يم البلف ضياني لادار سلفه بلوف النار جاوبته = تقول عطني وانا بعطيك برهاني فوق البساتم تشب النار كهربته = من هورشيما ورد والصنع ياباني إليا تحرك تروس القير صالبته = جيب الشبخ غايتي في كل ميداني يازين صوته ليا غنى ولاعبته = واليا زهمني عطيته قيره الثاني والعبد ماياخذ الا كود كاتبته = والفضل لله ولبن سعود سلماني الحاكم اللي ليا جيته وخاطبته = مني تبسم وبالمكتوب ناداني

وهنا بيتين لنفس الشاعر وربما تكون تكملة للقصيدة السابقه يقول فيها :


	فوقه خوين ليا مني تنكيته = يرسل بناته على الابره بنيشاني يقوله اللي هموم العصر مغضبته = عمري فدا الجيب وايضا الجيب يفداني كتاب الانجيل انا شفته وغيبته = وانا عتيبي وكيفي كيف نصراني راسي عتيبه بفعلن فات مطربته = وانا عتيبي وبالتفصيل شيباني

تحياتي ........