قصيدة المناسبات / للشاعر/ مشاري بن ربيعان
 

مشاري بن سلطان بي ربيعان من شيوخ الروقة من عتيبة .
وشيختهم قديمة , ولهم مزايا عديدة الشجاعة والكرم والحمية والصفح
عن زلات القبيلة يسعون دائماً في مصالحهم كعموم مشايخ القبائل..
منهم الشيخ مسلط بن محمد الشجاع الأول المشهور بالفروسية , أما الشعراء فمنهم مشاري بن سلطان بن ربيعان وابنه ذعار بن مشاري لهم عدة قصائد في المناسبات كما أوردها محمد بن دخيل في كتابه فمن قصائد مشاري قوله:

منيب هلباج على النوم نعاس ،، همه طعامة لين كرشه ملاها
ادرج الدنيا بالأفعال وقياس ،، نسعد عيون وعين نسحن دواها
لاضاق صدري جبت نجر ومحماس ،، ودلال بيض غالي مشتراها
قم سو فنجال على خمسة اجناس ،، احذر تجي حرقة وبالك نياها
خلك لها عن كل عذروب حساس ،، قيس له الطبخة على قد ماها
حتى يجي فنجالها يجل الاعماس ،، عقب الصلف والسهر ما أكبر غلاها
خصص مشاكيل على النار جلاس ،، حبوس الرجال اللي بعيد مداها
بوابة اللي للمعادين نطاس ،، مودع سمان الهجن يثلع حفاها
والثاني اللي يثني العصب بالرأس ،، في ربعه يشبع بها من نصاها
والثالث اللي يحتمي دن الافراس ،، لا روحت خيل بخيل حماها
وباقي الملا لو ما تقهويه لا بأس ،، هذارة المجلس قليل حلاها
لا نافع ربعة ولا حاش نوماس ،، ضباط مال ولا يذري ذراها .

تشكر يالغااااالي


والله القصيده هذي يمكن ثالث او رابع مره تنقل للمنتدى


عموما مجهود تشكر عليه


تحياااااتي

مع التحية والتقدير / للأخ فيصل المسعودي .
أشكرك على مروك أما بالنسبة للقصيدة أنها نشرت أكثرمن مرة أنت تعلم أني عضو جديد لم أشاهدها عبر لأنترنت
وهذا ما جعلني أنشرها . لك مني التقدير والتحية الدائمة .
تقبلوا تحيات / روقي الجمش.

مع التحية والتقدير / للأخ الدلبحي .
أشكرك على مرورك متمنياً لك الصحة والعافية على متابعتك الدائمة .
تقبلوا تحيات/ روقي الجمش.

روقي الجمش

يعطيك العافيه

وتسلم على المشاركه

مع الحية والتقدرللأخ/ غشام نجد .
يشرفني ويسعدني مرورك وهذا إن دل فيدل على محبتك لهذا المنتدى ومتابعة المفيد- فيه .

تقبلوا تحيات / روقي الجمش.