ياهيه ياللي عندك الطير جوعان=بلاك ربك فيه وانت ابتليته
اشغلك واشغلته على غير برهان=مايهتويك الطير وانت اهتويته
نوب عشاه من القصاصيب قصبان =ونوب دجاج ونب نمت ونسيته
وده لابوفيصل يعشيه خرفان=تراك بالفيران هدمت بيته
شل الوكر والطير في بيت هدلان=في بيت حلال النشب لي نصيته
في بيت قاسي يصبح الطير شبعان=ذباح كاسرة العمد لي لفيته
حتي يبين الطير لطيور حوران=في مجلس عربين والانساب ليته
ويشيع ذكره بين حضر وبدوان=عند الحفيظي الطير يفرح ببيته
قوم لهم في ساحه المجد عنوان=طيب الجدود اهل الحظوظ البخيته
والا انت شانك شان والطير له شان=لو ماعرفت اسمه خطير شويته
مسكين ياحر مع الوكر حران=تحت الدرج مكتوم مابان صيته