ياهيه مابعد الفراق الا فراق بلا لقا=لاتنشـد دروب الشقـا مـن سبـب الجـرح العميـق
تنشد العذال عن حب علـى وضـح النقا=ساعـة مماتـه مالقالـه غيـر عذالـه رفيـق
تنشد الحساد وش باقي وشلي مابقا=ماباقي الا اموت مـن حزنـي علـى هـاك الطريـق
هاك الطريق اللي يوديني على جرح الشقا=جرح معلم به رفيـق ولا صديـق ولا شقيـق
جرح تعدى بالهقاوي في هقوة من هقا=وكل يظنه جـرح خفـاق العشيـق مـن العشيـق
جرح خذاله في خفوقي من جروحي اصدقا=في كل يوم زايره من نازف طعونـي صديـق
يعيش في صدري وذكره في الخفوق معلقا=وله صرخه في داخل اعماقي كما صرخة غريق
هربت من هاك السؤال اللي على وجهي بقا=لو مربي لوي لحالي شب في صدري حريـق
ياعزتي للي سواتي طاح بعد انه رقا=كتـم بصـدره ونـة علـى سمـا وجهـه تويـق
لو اتقا عن نظرة الحساد جرحه مااتقا=اشهر من الامثال وابين مـن ابـان ومـن طويـق
وش عاد اقول الا متى نصبح من الوجد عتقا=يالعنبو صدربعد شي حصلي مـا يضيـق