أنا بوصيك ياعبدالعزيز ان سمعتني=مايقول اباه ترىالصقر يسمع
إذا مانصاك الضيف قل له مرحبا=ترى الرحب يقري الضيف دون اقراه
وجيب له بميسورك وزين له النبا=واعز العرب منهو مليح انباه
ولاتدرق عنهاليا جاتك ناصيه=ولوكان عودك ماعليه لحاه
ولاتعرضها ون تعدت مجنبه=كما معترض سيل يجر انحاه
وابا اوصيك صون الجار لو كان جافي=وعزى لجار مايضل اذراه
وابااوصيك بنت اللاش والمنبت الردي=وبيت الردا خطر عليك ارداه
يجيك الولد من بنتهم مايسرك=كما زرع ودن مايرد اذراه
حذارا اتعدي عن بيوت الشجاعه=وبيت الشجاعه مايطيح ابناه
وعز الرفاقه لوترى منهم الجفا=عسى لك رفيق ولويزيد اجفاه
رفيقك سلاح الضيق تلطم به العدا=ومن قل جيشه يطمعون اعداه
وضيم الرفاقه علة مالها دوا=يكون الرجاوالصبر هو ادواه
تصبر عليهم وارجهم مثل من رجا=حيا الصيف حتى يرتعي مرعاه
وقف دونهم لوكان ماقفك فالصفا=وموت الفتى مرحوم دون اعزاه
وخصمك لياجا منتحي للطلايب=تنقى له الخصمه وحير ماه
لياجاك ظامي غلق ابواب حجته=خله يموت ابعلت وظماه
ولاتأمن الطلبه لياجات فلوجها=ولو كان خصمك نصله المحلاه
تراها كما بنت الزنا شقلبيه=قع ينبني سد وثق ابناه
وحذرك من حلف اليمين المضره=تلزم بحبل الله ولاتنساه
ترى الدنيا تقطع كل عصبه قويه=ومن يتقي الله مايخيب ارجاه
ولاتكره الي ينصحونك عن الغوا=ترى كل غاوي ينشبه اغواه
ولاتأخذالاشوار من عند جاهل=يقع عاقل تلقى الزمان ارباه
وضم اللوازم كلها ثم ضهمها=بحبل من العزم الوثيق اقواه
وصلو على المختار ماهبت الصبا=وماحج من فج بعيد امداه