اللراكب ي ما عليه مـن الغـراز=
منوة اللي يطرده خفـر الحـدود =
جيب لكزس واردٍ بافخـم طـراز=
صنعة خباث النصـارى واليهـود=
زين مشيه في المقيـر والعـزاز=
وزين مشيه في الصحاري والنفود=
لاسطع في الليل الادهم نور غاز=
تحسبه يا شايفه بـرق الرعـود =
وكن نوره لا لمع فـوق القـزاز=
لا كشح ضوه كما قـدح الزنـود =
يشرب البخاخ من بيـر ارتـواز=
ذاك وصف لا شرع ضخ الوقـود=
في المطبه ما يعـرف الاهتـزاز=
ما تهزهز لو على السرعه تزود=
لاوقف بيـن المواتـر باعتـزاز=
تقـل شيـخٍ لا تحيـزم بالفـرود =
سايقه ماهـوب يحتـاج لجـواز=
شيب عيون العساكـر والجنـود =
باخصٍ نجـد العذيـه والحجـاز=
واشهد ان الجيـب للكايـد يكـود =
واشهد انه بالوصايف فـاز فـاز=
والله يفكه من عيـون الحسـود =

يعطيك العافيه .... من الشاعر ( السبيعي )؟؟؟؟؟؟؟؟؟؟

القصيدة فيها إقتباس واضح من قصيدة الحبيل
في بعض البيوت

ليتك جبت قصيدة ( مرير الحبيل الروقي )

المشاركة الأصلية كتبت بواسطة ناصر الفهد صباح الخير يعطيك العافيه .... من الشاعر ( السبيعي )؟؟؟؟؟؟؟؟؟؟ القصيدة فيها إقتباس واضح من قصيدة الحبيل في بعض البيوت ليتك جبت قصيدة ( مرير الحبيل الروقي )

فواز الشيباني
بيض الله وجهك
والقصيده فيها اقتباسات كثيره من قصائد مريرالحبيل وليست من قصيده واحده
وهذا شي طبيعي ولا يعتبر سرقه
سأذكر اللي أعرف من القصائد المقتبس منها
وآسف إذا أخطات لاني معتمد على الذاكرة ومبطي عن القصايد بعد

راكب اللي لا مشى الخط الطويل = لو مشى يومين ما جاب الملل
جيب لكزس مثل ما قالوا يروع = مثل ما قالوا شبابٍ ما اروعك
زين مشيه في الطريق المستقيمي = الطريق اللي يودي للمحازة
لا سرى في الليل ثم شبيت غازه = لا سطعته يرتبش منه العليمي
كن جلده لا مشى جلد بردية = وعقبه الطاروق للمعنى نردّه