نهـــــــــار المورقـــــــــــي
 

عديت في مرقب بين الشفا العالي

مرقاب غي يذل الطير من دونه

تلقى لحرش المواطي فيـه مدهـال

عنهاالقنانيص يلتـاجن بركونـه

حب الحبيب صبغ مـاعـاد ينجــال

لو كل يوم بصافي الماء يغسلونه

غض النهد وان وطـا بحويجر سـال

تلقى النفل والزبيدي منه يجنونه

له مشية مامشاها اول ولا تـالـي

واللي خلافـه وقدامـه يراعونـه

يبكي عليه القصر والمجلس العالي

حتى الفناجيل ودلالـه ينوحونـه

ياحافريـن القبـر خلـوه منــزال

واللي على حد رأسـي لاتدفنونـه

خلوني اشـوف من سيـر ومن جـالـي

واشوف غض النهد يمشي على هونه

وسمعت عقـب العصيـر صيـاح رجـال

واثره حراج على قشـه يبيعونـه

لبس الحبيـب ثويـب بريسـم غالـي

لا لبسه الترف دق القاع بردونه


ــــــــــــــــــــــــــــــــــــ



وسلمتكــــــــــم

وتقبلوووا تحياااااااتي

ع المورقي مشكور على المشاركة

يض الله وجهك على القصيده عز الله انها نادره في نوعها ولاهي غريبه على مثلك

يعطيك العافية وبيض الله وجهك
وصح السانك ولسان صاحب القصيدة


تحياتي

غشام نجد انت اللي تشكررررررررر على مرورك الكريم

وبيض الله وجهك يا ابوخطاف ولاهنت على المرور

ابن عمي الأيـــداء الله لايهينك على المرور اولا

وإنشاء الله عندما اتحقق من مصدر موثوق عن نهار المورقي ومناسبة

القصيده سوف انقلها لكم وتشكرررر مره اخرى على المرور

تحياااااااااااااااااااااااااتي

@ المورقي @ لاهنت والله يعطيك العافيه وطولت العمر وتشكر الف مره


على المرور الكريم...



تحياااااااااااااتي

عزالله تشكر على نقلها يالغاااالي


صح لسانك ولسانه


تحياااااااااتي لك ياغاااالي