ياصغـيٌـر ما يكبـرني لقـــب=ومايصغـرنـي اذا انكرنـي صغـيـر
ما خذينا الصيت من جمع الذهب=ولا نسابة شيخ أو قـربة وزيـر
كاسبينه مـن هل السيف الحدب=الجنايز كان مـا جاك الـنذيـر
صيتهم نـجـم(ن) على راسه لهب=سمعـوا الصقهان به واجهر ضرير
بالـوفـا تـاريـخ(ن) ابيـض ينتصب=لاحكم بالـحق حيـين الضمـيـر
ضيغمي(ن) للسناعيـــس انـتسب=لابة(ن)طلنا بها عـرش(ن) كبيـر
عنـد حدك يـا كثـيـر الـهـرج تـب=ولا تمـر النـار وثيابك حـريـر
كان لك عـز(ن) بذلي فتعـــقب=والله إلا تبـطـي وحبلـك قـصير
احسب انـك مـن صناديد العـرب=وأثر ساترتك عباتـك يا غريــر
مـا حسب لسّوس زراع القصـب=والـقراده مـادرى عنهـا البعيـر
ولــو حسبـنـا للحـسايـف والـتعب=مـابذرنـا يالعــصـافـيـر الشعـيـر
عــن هلك أبـــراي لله واحـتـسب=الـِرجـال الـلـي مجاراهـم عسيـر
من قريش المصطفـى وابو لهب=والدغالب ما غشت عذب الغديـر
للـرجـال مــن رجاجـيـل العـتـب=والزكـاة اتحـل فــي حــال الفقيـر
لعـن ابـو وقـت(ن) غدينـا بــه حـطـب=تحـرقـه نــار(ن) يثـورهـا أجـيــر
مـا ألومـك الـزمـن ســوا العـجـب=هـو بقـى غيـر الكـرامـه بالجفـيـر ..؟
مـــا أذل وراسي يــشــم المهب=لو بقى من شمـر(ن) طفل (ن) غرير
ومـا أهــاب ولا يزلزلـني غضــب=الشجـاعـة ورث والعـاقـل غـزيـر
يـاصغـيّـر مـا يـكـبـر باللـقـب=غير منهـو كـان مـن دونـه صغيـر

لسماعها بصوت الامير / طلال الرشيد
اضغط على كلمةهــــنـــــــا