|
سؤال يدور للاجابه؟الثبتي من هو ووينه للاهميه؟
مساكم الله بالخير ياعتيبه باختصار عندي استفسار يقولون فيه ثبيتي وفيه ثبتي الثبتي هذا وينه هم اللي في السيل او اللي في بني سعد او الاثنين سوا وبعد سؤالي مالقيت اجابه تفيد لان عتبان بني سعد يقولون حنا ثبيتي ومكتوب في البطاقه وفي جميع المحلات وتنطق ثبيتي كتابة ونطق والثبتي ماله وجود عندنا باقي اهل السيل ماسألتهم ولكم جزيل الشكر والعرفان
|
الله يمسيك بالنور
أخ عتيبي طويق الثبتي لا في بني سعد ولا في السيل الكبير بني سعد وأهل السيل الكبير كتابة ونطق الثبيتي والجد ثابت وانا من أهل السيل الكبير كان تسأل عنهم تحيااااااااااااتي |
الله يمسيك بالنور ولا هنت يابن ثابت كفيت ووفيت ومشكور على المرور والرد لك تقديري والله يوفقك
|
طال عمرك فيه
بني ثابت اللي في السيل وواحدهم يكتب الثبيتي ويطلق عليهم ثبتان السيل للتفريق !! وهناك ثبيتي غيرهم وهو الثبيتي أخو المزحمي اللي منهم الرباعين وهم أيضا يكتبون الثبيتي وهذا غير هذا !!!!لا تخلط وأعتقد بينهم علاقة نسب من ناحية البطون القديمة ؟؟؟ هذا عاد تلقاه عند عين العقل !!! ماغيره!!! خصوصا انه طرف في الموضوع!!! أما ناحية الثبتي !!!! أقيييييف !!! الله أعلم يمكن هو نفسة ثبيتي السيل في رواية!!!!!!!!!!!!! محبكم الصريح |
السلام عليكم .... شكر خاص للأخ عتيبي طويق لطرح هذا الموضوع ...
فأنا من سكان الطائف .... وأرجع ثبيتي ..... وقدرت لي الأيام وسكنت في نجد في قرية سكانها عتبان وهي تبعد عن القصيم 120 كيلو ...وهي تابعة للدودامي ...... وسكنت فيها لظروف العمل ,,, واهل تلك القرية روقة .... فسئلوني عن اصلي فقلت لهم انا حمياني ارجع ثبيتي برقاوي .... فقالوا لي انت ( ثبتي ) مو ( ثبيتي ) لأن الثبيتي هم من روق من الدوادمي الي منهم ( بن ربيعان ) امير روق وانكروا ان فية ( ثبيتي ) من برقا انما هم ( ثبتي ) فشرحت لهم الأصل والنسب وجبت لهم كتب تثبت ذلك لكنهم لم يقتنعوا ...... وعدت الأمور على خير .... فأنا ابغى اسأل الروقة من هو ( الثبتي ) ؟؟؟؟ تحيااااااااتي |
الثبتي << البرقاوي
الثبيتي << الروقي (الثبتان << من روق) (الثبته << من برقا) وادخل موضوعي في انساب قبيلة عتيبة وادخل موضوع ذوي ثبيت من روق من عتيبة هذولي ثبتان الروقه اما ثبتان الحجاز في الاصل حسب ماسمعت اسمهم الثبتي. |
الأخ ابو صنيتان
انا سلطان المنصوري الثبيتي من ثبتة الحجاز .. كيف تقل الثبيتي روقي والثبتي برقاوي امل ان يكون هذا الأمر في مكان الاهتمام والثبتة الموجودين في الحجاز هم ثبتة بني سعد الذي منهم عارفة عتيبة ومقر احكامهم الشيخ عبدالله بن دخين والشاعر المعروف محمد بن تويم وثبتة السيل الكبير ومنهم الشاعر مطلق بن حميد وشكرا لكم |
اقتباس:
اذا كان الثبتة اللي في الحجاز اسمهم الثبتي راح يكون اسمك مثلهم لان هم الساس لعتيبة... ملاحظة: اذا كنت لا تعلم هذى الكلام الصحيح واذا كنت تعلم فلا تغير شيا بهذا الكلام |
ياابن ثابت يالجاهل في الانساب
حنا ربع ابن ربيعان اميرنا عبدالله بن ربيعان امير الثبتان انت الثبتي وحنا الثبيتي وان تسانك تبي تشكك في اصلنا حنا عيال عم بن ربيعان اللي اصله مكتوب ومعروف لين ياصل لروق وحنا معروفين بالروقه والثبتي هو حق السيل الكبير معروف لكن انت تحب تسوي نفسك فاهم انت الثبتي وحنا الثبيتي روق حنا وانتم برقا ولحد مشككنا في اصلنا... حنا ديرتنا نفي المعروفه للثبتان من الروقه نفي واوضاخ والداهنه وخف وانت يالبرقاوي يالثبتي من حقين السيل الكبير |
الاخوه الاعزاء السلام عليكم ورحمة الله وبركاته
اعتقد والله اعلم ان المنتدى لم يوضع لمثل هذا الكلام بل وضع للنقاشات الهادفه البناءه ، وسواء كنت ثبيتي أو ثبتي فما الفرق الكل ينتمي لهذه القبيلة التي لا بد من ان يفخر بها ابناءها . ويكفيكم حسبا ونسبا انكم من عتيبه اخوكم بن غنام |
| الساعة الآن »03:38 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd