في ماقف(ن) مابين خفرع وابا الهول=لقيت مجمول(ن) يحير النظـر فيـه
مجمول ياغازي ولا كـل مجمـول=من نقوة اهل القاهـره جدهـا بيـه
اليا تبسم عن ثمان(ن) كمـا اللـول=اعذرت في نجد المسمـى واهاليـه
كلامه احلى من لبن عطّف الشـول=والذ واحلى مـن كلامـه حسانيـه
وليا فهق ليل(ن) على المتن مجدول=قلب الشقا تله من اقصـا عراويـه
شربت قرطوع(ن) من الجم معسول=واتلى العهد يومـه مسكنـي بياديـه
وفزيت من نومي ولا عندي الـزول=حلم(ن) غدابي مع سـراب المتاييـه
ليته صبر لين اننـا نلعـب الجـول=واخذ منه شي(ن) قعد مـا عطانيـه
يالله عفوك عن خطـا كـل مااقـول=كثرت ذنوبي مير انا عفوك ارجيـه
من غير عفوك مالنـا قـوه وحـول=وانت الوحيد اللي ليا ضاقت ادعيـه